2017年2月27日 星期一

豊勝手丼 - 丼我包場時



食物:$$$1/2
環境:$$$1/2
服務:$$$

早陣子風靡一時的海鮮丼,熱潮到底是否已散退?

日前路經曾相當火紅的豊勝手丼,竟發現空無一人,是東主有囍,休息嗎?

這所丼店,本人想試好耐,趁有咁既機會,來體驗一次包場的感覺吧!
  




店子有刺身,也有丼之選擇。只要讚好豊勝手丼的臉書專頁,買四份刺身,會額外奉送一客。不過,我還是揀吃丼。


本人之選,是角切叩丼。




全店只得我一人,但上菜速度仍好慢,喝著熱茶篤住電話,十幾分鐘仍未有得食,如果旺場個陣點算?





套餐會跟上湯,以及兩碟前菜。先喝湯,是蜆湯,味道算清鮮,一下子將之灌晒入肚。





日式汁煮牛腩,賣相雖不太討好,卻鬆化入味,蘿蔔清甜腍身,很家常的味道。





主角的角切叩丼,乃由角切三文魚、角切油甘魚、玉子、青瓜粒、三文魚籽,以及魚茸組合之成的丼。

米飯不是頂級,但做到其本份,入口帶點黏性,各款刺身及玉子大致新鮮,加入爽脆的青瓜豐富了口感,整件事很醒胃,要清掉一大碗丼,無難度。

腥左張丼照片俾朋友,剛巧佢又係附近食緊崩砂腩,不如一齊去食甜品?


餐廳資料:
豊勝手丼
銅鑼灣謝斐道468號百達中心地下D舖
55465046

1 則留言:

  1. 間舖嘅設計真係好有地道日本小店feel喎!

    回覆刪除