Instagram

2017年1月27日 星期五

翠園 - 盤菜...盆菜...團年



大時大節,除左同朋友食飯聚會外,一家人總會去阿婆屋企做節,探下佢老人家,扮下乖孫。

這些日子,吃什麼從來是其次,只志在幾個家庭熱熱鬧鬧聚一聚。多數,聖誕會外賣些西式套餐;農曆新年,梗係要食盆菜啦!

唔會山長水遠入元朗買盆菜,美心集團的出品,大概是穩陣之選。

人數夠多,可以要個份量最大的鮑魚‧花膠‧好市盆菜,盛惠$1880, 中銀卡有85折。

  




一大盤盆菜以外,更有白切雞、燒鴨與燒肉,眼濶肚窄既我們,起初以為會唔夠食,結果唔使多講





三款燒味算係咁,唯獨要批評下燒肉,完全未斬得開,一舊痴住一舊,雖不影響食味,但以美心的水準,應不致那麼馬虎。





顧名思義,盆菜是有花膠和鮑魚,另還包括好意頭的發財大利好市。花膠從唔期望有多大多厚,這質素可以收貨,鮑魚雖沒要求好大隻,但實在太韌,在考驗大家的牙力。





榣柱、髮菜、豬脷、冬菇與蠔豉等意頭嘢當中,始終最喜歡蠔豉,既香,口感也好,我毫不客氣,連吞了三隻。




說穿了,人人焦點放在鮑魚花膠等名貴食材,我的筷子頭目標卻直指墊在底下的枝竹、蘿蔔,以及豬皮,盡情地吸收所有精華,教我吃不停口。


豐盛的盆菜過後,理應是甜美的湯丸吧!


餐廳資料:
翠園
地址
29410092

6 則留言: