2016年10月17日 星期一

Anchor's Seafood and Beer House - 近在咫尺的悠閒地



食物:$$$
環境:$$$$
服務:$$$1/2

汀蘭居,優美的海景,輕鬆的氛圍,實在寫意。

更重要的是,距我家夠近,約十分鐘步程,沿海邊走著,清風送爽,身心舒暢。

汀蘭居入面既餐廳Anchor’s,我吃過幾次,卻只限於中午。

據知,佢既晚市自助餐,正以我大愛的上海菜為主題,無理由唔去拜會下。

   
 



雖是滬菜為主題,但自助餐的基本,即凍海鮮,如蟹腳、蝦、翡翠螺等不缺,以此作熱身,還好。





冷盤除了沙律、各式Cold Cut外,更有滬式的涼菜,樟茶鴨、鎮江餚肉、雪菜毛豆乜乜乜,其中的雪菜毛豆,若能配上一個麵就好;餚肉,口感不會死實實,比坊間一些上海館子,做得更好,有驚喜。





熱菜就更多上海菜原素了。紅燒獅子頭,大大粒,入口仍鬆化;東坡肉是為邪惡的朋友而設;雪吞雞是意料之中的水準。一過來遲了,雲腿津白的雲腿,被食客搶劫一空。

 
最受歡迎係佢

還有酸酸甜甜的松子魚,是受歡迎的一道,兩大尾魚,瞬間已被殲滅,幸好補給快速。





既然是上海菜為主題,當然不會走漏滬式點心,生煎包至少底夠脆,鍋貼味道乃正正常常,只是小籠包皮稍厚,同埋湯汁唔夠多。




到咁上下,每人還奉上一隻清蒸大閘蟹,看上去大概是三兩幾重,但幾多羔的。





店方完全沒有浪費戶外的好地方,加設了燒烤食品,雖然我是食肉獸,但各式的烤肉類烤雞翼,是香口,始終仍及不上一味燒菠蘿。





甜品既有中式的酒釀丸子,也不乏西式的焦糖燉蛋,以及藍莓芝士蛋糕等,完全照顧晒老人家及小朋友的需要。





食飽飽飲埋杯咖啡,輕輕鬆鬆地步行回家。兩個字:爽!


餐廳資料:
Anchor's Seafood and Beer House
荃灣油柑頭青山公路汀九段123號汀蘭居地下
29451138

2 則留言: