2016年9月7日 星期三

華膳正點 - 點心癮起



食物:$$$1/2
環境:$$$1/2
服務:$$$1/2

與行家談起,現在招聘點心師傅,難過登天,特別是偏遠的地區,幾乎要跪求班大帝返工。

這說法可能稍為誇張,不過,愈來愈少後生仔入行,是事實。因此,要好好珍惜能吃即叫即製點心的機會。

唔講尤自可,一講點心癮就起,即刻去點心專門店食番幾款點心,孤獨食也在所不計。

粗菜館,在佐敦屹立多年,始終頂唔住,由華膳正點接棒。

     
地方算係咁


以點心專門店去計,佢面積算頗大,佔兩層。

 
走埋一邊

劃了三款點心,其中之一,是鮑魚燒賣。成品走埋晒一邊,雖不影響食味,賣相卻麻麻,要扣分。幸而,鮑魚軟腍,燒賣的蝦與豬肉餡比例各半,味道不俗,是我的心水。

 
外皮可更酥脆

另一款是千層蝦酥盒,酥皮算不上酥脆,還好不會韌,喜歡佢加入不少菇粒。置頂的蝦肉爽身,又放了些蟹籽,也是合格分數。

 
可愛小豬仔

最後,有可愛的豬仔咸水角。似曾相識的一款點心,大概是在文華廳品嚐過。不忍也要咬下去,咬落香脆,沒有過油,味道可以,內有少量鵝肝醬,象徵式的,噱頭而已。

 



吞下三款咸點,飽到上心口,甜點留待下次。


餐廳資料:
華膳正點
佐敦佐敦道10號地下
2388 2768

7 則留言: