2016年9月25日 星期日

焰拉麵 - 元朗的小火



食物:$$$
環境:$$$1/2
服務:$$$1/2

熟筆者既朋友會明白,我是忽忽地的。並不是忽然民主、忽然民生嗰啲,而係會忽然想食某間餐廳,然後突然山長水遠走入去食。

元朗離我家稱不上太遠,搭西鐵兩個站就到,朗屏則多一個站,也算方便,只是車費,媲美過海。

我當然不會理嗰十零廿蚊車資,抽了個星期天,獨自入去食碗拉麵,才開始是日活動。

中午十二點未夠到達,店子只幾個客,大把位任我揀。

     
梗係食拉麵啦


儘管小店有其他食物供應,但我一心來食碗麵,不作他選。但係,食邊款拉麵好呢?

 
極黑焰

重口味既我,挑來了重口味的極黑焰,即黑蒜味噌湯底了。這裡,跟市面很多拉麵店一樣,可揀麵條的軟硬度,湯底之濃稠,要唔要蔥等等。

 
麵條未見突出

要最濃既湯頭,呷一口,果真濃郁,配上筍絲、木耳絲及大量野菜說我自欺欺人也好,是重口味卻健康。麵條較幼身,雖已揀最硬身的,但其實也未見很有咬口。

 
多點脂香更好

叉燒較厚身,亦經略燒過,多一份香氣。肉質尚且鬆化,若能多點脂香,會更合心水。

 
唔流既

花了十個大洋,追加一隻溏心蛋。可惜,破開後,有欠流心,蛋香亦薄弱,早知唔嘥錢加了。

 
補數

好壞參半的一碗拉麵,要有枝枝裝可樂,拉番高分數才能滿足。

 



下次,要吃彩的沾麵~



餐廳資料:
焰拉麵
元朗教育路83號地舖
2503 0022

4 則留言: