2016年7月9日 星期六

森 - 雞蛋仔新勢力



食物:$$$
環境:$$$$
服務:$$$

後生既時候,可以很瘋狂,咸嘢都唔食,連掃三幾間甜品店當正餐,嗰時仲會覺得好Enjoy

依家食完一餐再去吃點甜,已是我的極限。一日走幾場既食法,真係咪搞我,最緊要自己食得舒舒服服。

這天,與濶太吃完魚生飯,仍有點「空位」,可以去吃些甜品,或者飲杯咖啡。

附近好像沒什麼吸引的咖啡店,而時間又太早,許多甜品店亦未開門,濶太建議去食雞蛋仔。

食呢間啦!她把電話遞給我看。

?? 孤陋寡聞既我,以為又係日本嘢,哈哈~~

      
即叫即做


店子提供四款口味的雞蛋仔,分別是原味、朱古力、咖啡,以及綠茶,另可加配料,甚至雪糕。

 
買左綠茶

天真的我,問店員可否要一底有齊四種口味,答案係否定。

總覺得雪糕會掩蓋雞蛋仔應有的味道,加上吃得狼狽,所以放棄了雪糕。

最終,揀了綠茶口味。綠茶的元配理應是紅豆,但我們都喜歡Oreo,還是忠於自己。

 
捨紅豆取Oreo

即叫即做,保持熱呼呼,而且粒粒飽滿。然而,口感並不是外脆內軟,反而有少許似蛋糕。綠茶味好重有點苦,有欠醇厚。

實在太飽,無法再吃格仔餅,下次吧!


餐廳資料:

元朗又新街38號恆富大廈地下11C號舖
5502 0802

6 則留言:

  1. 天氣好熱好熱, 俾著我就點都要雪糕! 雪糕! 雪糕! 雪糕!!!

    回覆刪除
    回覆
    1. 咁食完雞蛋仔都可以再食雪糕既

      刪除
  2. 我其實鍾意食多煉奶,多牛油加砂糖再加花生碎嘅夾餅多D!

    回覆刪除
  3. 你啱食雞蛋仔配雪糕真係食得好論盡,我昨天試了haha!!

    回覆刪除