2016年7月8日 星期五

狎鷗亭 - 韓流不息


 


食物:$$$1/2
環境:$$$1/2
服務:$$$$

相信大家都知道,筆者近月瘋狂地去吃韓國菜。

食左咁多餐,當然會有吃炸雞,畢竟這是熱門的項目之一,不可走漏。

選了在諾仕佛臺的狎鷗亭,聽說水準是蠻不錯,要去體驗下。

以為樓上的店子,招牌都唔多個,應該不會太爆。可是,我太天真了,好彩早一步來,坐到最後一張二人檯,否則唔知要等幾耐。
  

 
三小碟

照慣例,服務生在落單前已奉上前菜,一隻長碟盛起,分別是辣魚仔、大豆芽,以及泡菜。我最喜歡的竟不是泡菜,而是…… 辣魚仔,真係估佢唔到。

 
先吃原味

一心為炸雞而來,當然唔會臨時轉軑。要了原味與香辣味。新鮮熱辣咁炸起,香噴噴,唔會難食得去邊。

 
刺激

至於香辣味,大概是因為炸起後才再淋上醬汁,雖然夠香夠辣夠刺激,但外皮是沒有原味的脆口。喜歡那款,見仁見智。當然,如果你是辣魔,一定是會選擇後者。

 
稍為太油

單吃一份炸雞,似乎Dry左啲,即管來多一客煎餃子。以一個幾有型的「滕籃」作盛器,餃子味道不俗,頗有韭菜香,但就油了一點。

 
唔凍,哼!

食辣嘢,點都要有罐可樂,以備不時之需。$35/罐,仲要係唔凍既,真係嬲。

最後想提提,我喜歡店子的服細節位,除了可充電,還是有橡皮圈給女士扎頭髮,甚至有雨傘可供客人拿走(不用還的)


餐廳資料:
狎鷗亭
尖沙咀諾士佛臺9號冠福中心1樓
3579 2992

6 則留言: