2016年5月4日 星期三

Lulu - 忽然李斯特城



食物:$$$
環境:$$$
服務:$$$

忘了多少年沒出來睇波,趁臨近季尾,相約兩位老死,睇曼聯對李斯特城,呢場看似有意義,實質冇咩意義既賽事。

李斯特城,無球星,無財力既一隊波,舊年僅僅唔使降班,發夢都估唔到佢可以攞英超冠軍。佢季前的奪標賠率,係五千賠。

如果,當時我思覺失調,買$100,就嬴到五十萬,可以買到個車位……

不過,世上邊有咁多如果呀!

  
難得出來睇波


話說回頭,實在太耐無出來蒲,以往去慣的幾個場,敵不過歲月,已黯然結業。老友上網,找來這家LuLu

 
健康之選

來到酒吧,老友也要吃沙律,即管整份凱撒沙律,並不是正規,但當多吃些菜蔬,健康一點,也不失為過。

 
流心

香口嘢當然少不了,芝心蝦丸,蝦既成份不多,然新鮮炸起,熱得燙咀,加上不俗的流心效果,亦未致難食。

 
勝在夠熱

再來的,是炸魚薯條,粉漿太厚太硬了,唯一的好處,只是夠熱,煙紛紛冒出。老友專攻的薯條,亦不是傳統英國的那款。

 
賣相一般般

也來一客意粉,千揀萬揀,還是回到卡邦尼的懷抱。這客風乾火腿卡邦尼意粉,賣相唔多吸引,但味道還可,同埋師傅好慷慨咁俾咸香的火腿,挽回少許分數。

 
歡樂一晚

這一夜,突然多左好多李斯特城既粉絲~~



餐廳資料:
Lulu
尖沙咀河內道5-7號普基商業大廈地下2號舖
2312 0468

6 則留言:

  1. 唔睇波的我, 之前真係連李斯特城都無乜點聽過 ^_^"

    回覆刪除
  2. 睇波食沙律,呢個配搭又真係幾“清新”喎!

    回覆刪除
  3. 出去蒲下好吖,話時話有冇識返個美好先^0^

    回覆刪除