廣成冰室 - 憑感覺來到了?

食物：$$$1/2
環境：$$$1/2
服務：$$$1/2

明明是驅車往元朗去，傾下講下，怎麼會走到上水那邊？老友，你搞咩鬼呀？你唔係揸車都憑感覺丫嘛?!

既然咁樣，反正都洗濕左個頭，將錯就錯，不如去廣成啦！我說。

同意既請舉手。好! 我認為獲得通過。

星期日的廣成冰室，人難免比較多，尤其是外區客。拿了票，在附近兜個圈再回來，時間剛剛好。

 

懷舊店

老樣子的裝修，加幾把吊扇，成了廣成的風格。
 

名物

口渴多於肚餓，先來杯紅豆冰，其他慢慢再說。

大杯紅豆冰，配一碌刨冰柱，外觀先聲奪人。奶水甜度恰到好處，紅豆份量勁充裕，而且起沙，確是有水準。

 

只是，紅豆冰無得跟餐，價錢也絕不嘢少。

 

算係咁

檯檯都吃鮮牛肉通粉，我卻來碗鮮牛麵。湯頭熱燙，牛肉軟嫩，還會加埋薑絲，再算有誠意。
 

下次試蛋治

眼見每檯均在吃蛋治，不過，我實在太飽，留待下次吧！

餐廳資料:
廣成冰室
上水石湖墟新成路10號
2670 4501