2016年3月11日 星期五

add@Prince - 回本太易




食物:$$$1/2
環境:$$$1/2
服務:$$$1/2

談起Marco Polo Hotel , 大家可能也會認識吃自助餐的Three on Canton,以及Café Marco,兩者都頗受歡迎。但係,Add @ Prince?

不諱言,若不是朋友相約前來晚餐,筆者也真不知道這的存在。

或許真是太隱世,價錢亦要將就下。$478的自助餐,信用卡仲有優惠,在尖沙咀的核心地段,呢間酒店既級數,收取這費用,實在有點妙想天開。

大家可能又會想,會唔會將貨就價,無啖好食架?
 
多個做法

今期,做緊龍蝦主題,各款凍海鮮,包括凍龍蝦仔、波士頓龍蝦,還有芝士焗,咖喱炒,同埋泰式做法,單是吃龍蝦,也幾近可以回本。
 
奢華

喜歡芝士焗,因為夠香更欣賞泰式做法,辣勁十足,相當惹味。原來,有泰廚在陣,難怪。
 
Thai Station喎

亦因為有泰國廚師,所以不乏泰式食品,包括是泰式沙律,豬頸肉等。
 
堅好飲

不過,最出色的,要數到冬蔭公,酸辣兼備,且足料,很醒胃,絕不是一般自助餐的貨色,必試!
 
食肉獸既天下

作為食肉獸,梗唔會錯過美國肉眼,厚大而鬆化。有食力朋友,可以連豬髀一起吞噬,包保滿足。
 
有豬大腸!!!

其實,仲有唔少熱葷,由中式的蒸魚、炒麵,到西式的燒羊架,以至印度的咖喱等,全都有供應。最抵死係有極邪惡的豬大腸,叫我怎能唔出手呢?!
 
甜品環節

筆者關心的,當然還有甜品啦!輕巧的林明頓,濃郁的布朗尼,開胃的芒果慕絲,以及各式各樣的蛋糕,包括名物藍莓芝士餅,悉隨尊便。
 
女士專享

每逢星期一,女士們還可享用一客燕窩,我偷偷的試了,很多燕窩,杏味十足,絕不欺場。
 
用的是名牌子

不得不提,呢度既雪糕,係採用Movenpick這個大牌子,而且不乏獨有口味,如榴槤味。大家嚐過Movenpick的榴槤雪糕嗎?
 
享受

睇牌面,回本太易。

餐廳資料:
Add@Prince
尖沙咀廣東道23號海港城太子酒店3樓
2113 6046

6 則留言: