2016年3月3日 星期四

雪山茶餐廳 - 留住時光




食物:$$$1/2
環境:$$$$
服務:$$$1/2

繼續為大家介紹懷舊既食肆。
 
是真 · 懷舊的茶餐廳,而不是扮鬼扮馬的那種。

今次講雪山,但並不是雪糕,而是深水埗的雪山茶餐廳,年紀比筆者還要大,很多電視劇,如誰家灶頭無煙火等,也在這裡取景。

在該區長大的我,對此自當不會陌生。早在相機、甚至手機影相還未流行既年代,我己在公開飲食網站,介紹過。

早幾年,曾傳過這裡不獲續租,很多人專程而去「瞻仰遺容」。後來,不知為何,又繼續做得下去。
 

這天再來,看見人人在這懷舊的地方,低下頭在篤手機,好有時空交錯的感覺。
 
只想吃燴意

老套一句:不知所以,只想吃燴意。

茄牛燴意,意粉仍保留一點咬口,牛肉質感未致太假,不少新鮮蕃茄在陣,味道很醒胃。最重要是加入了青豆、粟米粒等,童年就是這個味道。
 
未夠滑

喝的,仍是揀熱奶茶。厚身的瓦杯作盛器,很地道。茶味濃,但不夠滑,算不上一流水準,但就是合格以上的分數。
 
留住時光

我是真真正正喜歡惠顧這類茶記/ 冰室,而不是待它們要光榮結業時,才一窩蜂的去「瞻仰遺容」。

那,只是湊熱鬧。
 


 
餐廳資料:
雪山茶餐廳
深水埗青山道62D號地下
2386 5025

9 則留言:

  1. 咁你暫時飲到最好的奶茶o係邊呀? ;)

    回覆刪除
  2. 可惜,真正「古老」(而非「復古」)的冰室已買少見少。

    回覆刪除
    回覆
    1. 再說,真正古老也不代表出品好

      刪除
    2. 蝗蟲同學: 係呀, 要細心搵~

      Cable: 咁冇話新就一定唔好, 舊就一定好既~

      刪除
  3. 記憶中嘅冰室、茶餐廳裝修都係呢個樣架,香港近年茶餐廳風格其實好似北美嘅“港式西餐”,但其實裝修都係其次,最緊要係想食番茶餐廳獨有嘅風味!:)

    回覆刪除