食物:$$$1/2
環境:$$$1/2
服務:$$$
年紀大到某個點,就會返老還童,學人聽K-pop,坐定定睇MaMa,食下韓燒,或者係部隊鍋。
明明早一晚才吃過日本燒肉,這晚又想吃韓燒,真係發神經。然而,想食就去食,這永遠是筆者的做人宗旨。
要癲,都要捉埋人陪我一齊癲,咁先至癲得夠勻循嘛。就搵阿妹去啦!
早陣子風靡一時的BBQ7080,筆者是從沒有去燒過,只去過同系的BBQ Military,叫做見識過類似的東東。
後生仔既世界 |
這裡的裝潢,與荃灣BBQ Military,確是有九成相似。但,印象中,Military全是毛都未出齊的後生仔女;這兒,則仍有上班族來惠顧。
店員話,個半鐘要交檯,得唔得? 沒問題,我哋食得好快趣。
I am ready |
安頓好,立馬上前菜,呢度既泡菜都算幾辣,另還有每人一份清爽的凍豆腐,給我作準備。
燒 |
開爐,加熱蛋漿,與及芝士。有興趣的朋友,可將燒好的東西醮上,多一分滋味,若你不懼怕邪惡的話。
無晒雪花牛 |
原本想點一客靚既雪花牛,可惜售罄,唯有退而求其次,要份級數低一點的。薄薄的牛肉,輕輕烤一下便可。
芝味十足 |
入口嫩滑,已調好味,無須沾任何汁醬,已不錯。芝士與蛋漿,試過便算。好想一嚐雪花牛喇!
質素OK喎 |
另一份,是烤雞肉。肉質很好,就算烤很久,亦沒有半點韌,好吃。我會說,這份比剛才的牛肉,更出色。
略油 |
兩碟肉似乎未必夠,卻又不想再燒,來客煎餃就好。看那煎餃的形狀,多個新發現,原來早前光臨的狎鷗亭居酒屋,又是同一集團。煎餃跟狎鷗亭屬同等水平,頗油,但幾香,味道可以。
降溫 |
愈來愈熱,來罐可樂降下溫。
埋單好快手 |
新麻蒲開心d wor, 有雪花冰埋尾!!
回覆刪除搞到我都有D想食韓燒添! ^^"
回覆刪除你個邊有無得食架?
刪除有,但無香港咁多花臣,簡單D嘅!
刪除