食物:$$$1/2
環境:$$$$
服務:$$$$
人生怱怱幾十年,有人認為時間苦短,要充分利用每分每秒,才有意義。
筆者反而覺得,時間本己不多,仲要下下死衝爛衝,好辛苦啫!所以,我有時會容許自已,放縱下、任性下。
如這天,明明己吃過兩頓午餐,但知道附近的餐廳,有我愛的醬油蟹食,也不理三七廿一,去食左先算。你可能會話我痴L線,但我有我自己的生活方式,你吹漲呀!
接近落場時間 |
餐廳佔地兩層,但由於己近三點,我可以包場,多好!
阿姐沒因為我們阻住佢落場而黑面,更會細心推介菜色,服務一欄有分加。
成壺嚟啦 |
許多韓餐廳,只會給一杯麥茶,最多飲完再添。呢度就好慷慨,整壺麥茶奉上給你,慢慢享用。
泡菜最得我心 |
筆者雖只點醬油蟹,但店方亦會送上前菜,四小碟,個人主攻的,仍是酸辣俱備,又爽口的泡菜。
巧吸引 |
醬油蟹不久送到,並不巨大,卻也算是多羔,肉質黏糯,同埋味鮮。如果個子可以大番兩個碼,就正了。
最佳食法 |
吃醬油蟹的最佳方法,當然就是配上白飯。將白飯直接加入蟹蓋,與蟹羔齊齊放入口,鮮味無可抗拒,很輕易便可清掉一整碗飯。「飯盜」這個外號,沒有改錯。
滿足 |
一隻蟹,己可令我相當之滿足!
餐廳資料:
韓松韓國料理
尖沙咀柯士甸道144號祥景樓地舖B-C及1樓A-B室
2736 8670
原來香港都有醬油蟹,又原來劉總可以食得落2+1午餐,嘻嘻!
回覆刪除有得食架。。。又,呢個世界咩都可以發生的 XD
刪除你.....食三餐Lunch奇蹟啊!!
回覆刪除神蹟呀~~~ :p
刪除生積呀~~~:P
刪除