2016年2月13日 星期六

讓魚蛋飛




小時侯,幫襯街邊魚蛋檔,阿叔/ 阿姐只會俾兩個選擇你,辣與唔辣。

細路哥嗰陣,唔食得太辣,但又會心癢癢,總之心情就是茅盾。不過,最終我多是會選辣的,去刺激一番。

世界變了樣,今時今日,還有多一款口味,胡椒魚蛋。

年初一晚發生既事,相信大家在FB看過N篇相關既文章,有正有反。筆者不打算在此發表我的政治茂論,但,我不希望看到暴力的情況發生。
 
名店

龍津美食,在路德圍也開了分店,梗係要拮番串魚蛋,加燒賣啦!

魚蛋燒賣各一,八個大洋,我以為自己聽錯,是時光倒流價嗎?
 
時光倒流

燒賣味道正常,配上辣油,食得過;魚蛋,感覺就不是當年的味道,不過,佢仲收緊當年的價錢,你想點?
 
其實是人氣店

大河道的東京站,人氣比龍津更厲害,但無疑,呢個鋪位係靚好多。
 
好吸引

看見林林總總的小食,仍決意要吃煎釀三寶,實在太耐沒吃此品了。

叫阿姐隨意幫我執,有釀青椒、釀紅腸、釀茄子、炸魚旦…… 竟然仲有,炸蟹柳?以前的三寶,唔多覺有蟹柳喎~
 
抵食~

這裡的三寶,勝在夠熱,魚肉都算彈牙既,十五蚊有七件,買多啲仲平啲,無咩好投訴啦!

你又來分杯羹?

連做白魚蛋做到出晒名的林昌記,也剛剛加入了戰幔,過年前,在路德圍開了分店。

堅正
佢既白魚蛋 (原味),質感很彈牙,亦不失鮮味。自行加點辣椒醬,整件事會更加精彩。

俾阿蘇搞紅左

最後,仲有蘇絲黃大讚的陳記。這間陳記魚蛋,本在深水埗寂寂無名,多年前被阿蘇介紹過,講到好似世界冠軍咁,之後生意好到暈,猛開分店,有些是Franchise開去。

呢場魚蛋戰役,一觸即發。
 
各位還期望天佑香港的朋友,倒不如自己搵定後路移民啦... 如果有能力的話~
 
食店資料:
龍津美食 : 荃灣路德圍50號嘉新大廈地舖
東京站:荃灣大河道22-28號榮安大廈地下
林昌記:荃灣路德圍運通街10號地舖
陳記魚蛋:荃灣大河道28號C地舖
 

7 則留言:

  1. 昨晚吃了黃大仙炸魚球巧正

    回覆刪除
  2. 從前只知道每年11月三色台有龍鳯呈祥賀台慶,活到老,學到老,現在才知大年初一政府會為市民帶來一場大龍鳳為特備節目。^^"

    回覆刪除
  3. 講得o岩, 無論警方或市民, 都唔應該使用暴力!

    回覆刪除