2016年2月10日 星期三

嘉樂冰廳 - 巨蛋




食物:$$$1/2
環境:$$$
服務:$$$1/2

話時話,又有幾年沒到訪荃灣的嘉樂冰廳。冇計啦,餐餐都大排長龍,令人卻步。我唔會排半粒鐘去食茶記囉。

氣溫下降至個位數字,加上非繁忙時間,人客變得相對少。筆者一個人,很幸運地,一秒都唔使等,便找到位置,似乎開始行運。

吃什麼,大概己心中有數,只循例瞄一瞄個餐牌,便可以落單。
 
超難得不用排

落柯打後,慢慢的等,四周看看人生百態。有熟客跟老闆娘吹水,講生活慘況;有人呻緊工作有幾辛苦、工時長,老婆唔肯同佢生,話生左無人照顧;有個阿伯帶個幾歲小朋友食嘢,但嗰個唔係佢既孫,而係佢個仔。總之一切皆是十分畸型。香港地,原來不知不覺間,變得悲慘。
 
太薄身

飲品率先送到,我的熱奶茶,感覺就是偏薄身,不是我杯茶。若天氣不是那麼寒,我大概會要杯凍飲。但,大氣不似預期,已是常識了吧!
 
稍油

蛋牛治制作依舊需時頗長,先來的,是炸雲吞。一碟十粒,即叫即炸,肯定香脆熱辣,蝦肉都爽,沾上酸酸甜甜的汁醬,醒胃。要挑剔的是,稍為油膩。
 

待我完成十粒的雲吞,鮮牛肉蛋治亦奉上,時間岩岩好。雞蛋依舊的大得誇張,鄰檯的客人笑說手工粗糙,三文治凸起晒。烘底的麵包咬落微脆,鮮牛嫩口,蛋是多,卻有欠蛋香,總之跟全盛時期的出品,是有點距離。

筆者聽見人人走時,也會說句:飽到好頂

我,完全同意。
 
 
餐廳資料:
嘉樂冰廳
荃灣新村街40B號地下
2493 7308

6 則留言:

  1. 好彩你冇叫炸醬麵咋,如果唔係夜晚餐飯應該要齋坐

    回覆刪除
  2. 貢勁可以獨力完成十兄弟加份巨型蛋牛治,犀利呀!

    回覆刪除