2015年9月9日 星期三

國內篇:舒蔡記 - 爆汁生煎


筆者曾經有一年多的時間,天天吃上海菜,小籠包、生煎包、酸辣湯、醉雞等等等等

日日係咁食,好多人問我會唔會怕左。其實,我不單沒有怕,仲愈食愈上癮,許多時還心郁郁想去來一頓上海滋味。

咁永遠,食物在當地,是最好吃。離鄉後,是從不能吃到原裝的味道,縱然你把當地的大師傅請過來。

所以,最實際的,就是造訪當地,品嚐最地道的出品。

 
爆汁

我想,十個到上海的香港人,有九個半都幫襯過舒蔡記,聽說其生煎,會教人口水直流的。

呢度既出品,論外型,絕對唔會靚仔。然而,脆脆的底部,以及大量的芝麻和蔥花,又真係睇得出咁好食喎。吃時,當然要小心翼翼,否則熱燙又澎湃的湯汁,會令你非常狼狽。
 
簡單美味
除了生煎,這裡的菜飯亦是聞名,簡單的香菇咸肉菜飯,看似油,吃起來卻爽口,咸香的肉與大量的菜粒,取得了平衡,是便宜的美味。跟上的黃豆骨頭湯,小弟則不太懂欣賞。
 
三扒兩撥清碟
粗炒又是我極愛的東西之一,惹味又均勻,還配以頗大量的菜蔬,在香港真係咪使旨意。
 
地道
最後要說,是餛飩,個人並不十分喜歡這食品,呢度既湯頭偏清淡,皮不厚,肉有汁,又不俗喎!


有人很介意在殘舊或坐得不舒服的店子進餐。而我,最大的關注,從來就是味道。特別是一些平民街頭小吃。

餐廳資料:
舒蔡記
上海黃埔區雲南中路142 - 146號

4 則留言: