2015年9月7日 星期一

海外篇:CacaoPatisserie - 巧打耳既蛋糕



食物:$$$$
環境:$$$
服務:$$$1/2

筆者雖然欠缺童真,但面對著可愛的卡通公仔食品,亦覺開懷。

說起卡通公仔的食物,在香港,我會想起百利冰室的曲奇;於澳門,就必定是Cacao的蛋糕了。

甫進店子,走到餅櫃跟前,你一定會被各款可愛的卡通公仔蛋糕迷倒。到底呢啲藝術品,係俾人觀賞,定要來食架? 真的靚得有點過份。
 

不少選擇
 
除了多款Cutie的蛋糕外,餅店亦有牛角包、朱古力心太軟,與及布朗尼等供應,總有一款合你心水。啊!是的,還有不同口味的馬卡龍。
 
想起Mario嗎?

顏色鮮艷的大磨菇,不禁令我想起孖寶兄弟,食咗磨菇係咪會變大呢? 這隻菇,實質是士多啤梨綠茶芝士蛋糕,芝味未算太濃,甜甜酸酸的草莓醬正好中和膩的感覺,綠茶海綿蛋糕,香醇可口。聽說顏色鮮艷的磨菇,大多有毒,但如果有此水準,真係話之佢,食左先算。
 
原來叫索柏島

對卡通人物從來缺乏認識,原來呢隻紅噹噹,造型可愛的東東,叫做索柏島,又長知識了。外層是車厘子啫喱,內裡就是朱古力海綿蛋糕,配合雲尼拿慕絲,香濃可口。

內有乾坤
 
論最可愛的,必要說這隻粉紅小豬仔。玫瑰味與荔枝味的結合,總是清新迷人,而且層次豐富,有脆餅底,說我殘忍也要把她吃掉。
 
要再來的地方

下次去澳門,必會再翻兜,否則真對唔住愛甜的自己。


店鋪資料:
澳門高士德渡船街75 號
(853)2855 7227

6 則留言: