2015年9月5日 星期六

留家廚房 - 食左先講~



食物:$$$$
環境:$$$1/2
服務:$$$1/2

老媽子牛一,由於屋企仍未可以煮食,老豆施展不了劉家廚房的魔法,唯有出街食,相信最好就是去留家廚房。

已幫襯過留家廚房好幾次,印象中,這裡的出品實而不華,屬家常便飯的好地方!

沒有預訂任何菜色,臨場拿起餐牌,隨意點幾個餸,屋企人食飯本應就是如此輕鬆。
 

潤~
 
老媽子話好耐無湯水飲,即點幾碗靚湯,係豬肺湯。呷幾口,果真的清潤,豬肺軟腴,沒半點異味,清洗得好徹底。飲完盅湯,老媽子話成個人舒服晒。看來,頭開得很好。
 
將之殲滅

筆者從來是正義的朋友,看見那些邪惡的東西,會忍唔住要殲滅佢,九轉大腸就是好例子。一個個圈,層次分明的大腸,咬下去咁香無比,沾了酸咪咪的醬汁,停不了口,而且,我是永遠唔會有罪惡感的。

白飯好朋友
 
邪惡的東西,又豈止大腸咁簡單,再來的虎掌菌炆五花腩,是另一惡魔。肥瘦有致的腩肉,咬落鬆化至極,醬汁唔會只停留在表面,入晒味,絕對是白飯的好朋友。
 
一流!
 

也點了煙燻雞,半隻。出品拿上桌時,已散發陣陣燻香,吃起來煙燻味道足,卻又不會蓋過雞味,很好吃,是超班的貨色。唔使提我,旁邊的雞什,一定會被我清空的。

厚粉了一點
 又來一味清新的,香橙蝦球,味道是相當不俗,只是粉漿有點兒厚,蝦肉未算太彈牙爽口。
 
濕濕地都好

食過咁多肉,循例也要來一個什菜煲,去平衡下,至少對於某些人,心理上會好過少少。
 
頂住檔先啦~

原本想叫杏仁茶,但廚房應該做唔切,只吃了些糕點,以及香芒雪葩,便算了。要讚這裡的雪葩,真材實料,像在吃新鮮芒果一樣清新滿足。
 
好正!

今餐,老媽子也滿意了。

餐廳資料:
留家廚房
灣仔軒尼斯道314-324號W Square5樓全層
2571 0913

5 則留言:

  1. 我是永遠唔會有罪惡感的------>這些機會從來都不屬於我的,我邊有quota吖! ;P

    回覆刪除
    回覆
    1. 係啦, 真係睇到super portugal............ (don't hit me!! :p)

      刪除