2015年9月3日 星期四

泰斗 - 泰想抖抖~



食物:$$$
環境:$$$
服務:$$$

忙完呢個月就會好啲,忙完呢個月就會好啲~ 呢句說話,大大話話講左兩年,這兩年真的是忙到甩肺。

不過,忙中都要偷下閒既,是日可以唔使加班加到咁夜,就出來吃番餐泰菜,辣佢一辣,企圖辣到所有煩惱都忘掉。

唉~ 雖則比平時早走,卻仍是最遲到達的一個,還好大家點了食物,我趕到來時剛好得食,時間岩岩好。
 
解渴巨星

食辣嘢,梗係要有點準備,來一個椰青,以備不時之需,小心使得萬年船丫嘛!查實,夏日炎炎,喝口清甜椰青水,就已是一種享受。
 
打開胃口

食物陸續上桌,率先送來的,是三文魚刺身,沾上泰式的辣醬汁,將胃口完全打開。

皮蛋唔靚
 
平時本已甚少吃「炸蛋」,炸蝦膠皮蛋更是第一次品嚐。外脆中心彈牙,再有皮蛋的香,層次感不用懷疑,如果能用上更靚的皮蛋,就好了。這東西,蠻有趣。
 
酸辣俱備

吃完特別既東東,也要來一鍋泰菜必叫的冬蔭公。香氣陣陣,呷一口,酸辣兼備,好醒胃,而且大蝦、蘑菇等材料充足,已沒什麼投訴了。

鐵板上
 
再來的鐵板蠔仔煎蛋,熱呼呼,只要蠔仔新鮮飽滿,應該都幾穩陣。這個,叫做勉強合格吧!
 
未夠鑊氣

最後來個惹味的通菜,不知是否飛天,但肯定唔算好味到飛天。

餐廳資料:
泰斗
尖沙咀海防道38-40號中達大廈4樓全層
3565 5446

6 則留言:

  1. 第一句野, 我都聽左N多次啦......

    回覆刪除
  2. 除咗椰青同冬蔭公。。。其他食物好似幾fusion下喎。^^"

    咁幾時有假放呀?

    回覆刪除
  3. 冬蔭公見到都想飲~聽晚煮泰菜先得

    回覆刪除