2015年9月21日 星期一

貓の茶房 - 與貓貓同樂


與濶太午餐過後,她說想去飲杯嘢,誤打誤撞下,來到了貓の茶房。

平時食Blog介紹餐廳,百分之九十九點九都係以食物行先,但今次唔同,主角換成了可愛的貓咪。

或許先講講這裡的收費,頭一小時$60,其後每小時$30,包一杯飲品。進去前,必須除鞋和消毒雙手。當然,很多人嚟呢度既目的,只係同貓貓玩告影相,吃什麼喝什麼,是其次。



好了,把焦點回到貓貓身上。呢度大大話話都有十隻貓,每隻各有性格,但全是可愛,同埋完全沒怕人的。



飯後睡一睡,好過做元帥。你班友影還影,唔好開閃光燈,咪阻住我同周小姐拍拖呀!



有食唔食,罪大惡極。懶理你哋愚蠢既人類係度亂咁影影影,我繼續慢慢嘆我既下午茶。



~ 你班貓奴係咪有嘢食? 係咪有罐罐? 唔使收埋喇,快D攞晒嚟! 要充公!



唉,巧攰!無氣力同你哋係度追追逐逐,要攤抖下先,無咩事唔好搵我。



包杯飲品,我揀選了檸檬紅茶,以玻璃茶壺和杯作盛器。悠悠閒地呷口茶,欣賞活潑可愛的貓咪,多寫意。




要提提,這裡還有個領養板,可讓有心人領養呢D流浪貓,總好過俾錢去寵物店聽講係,好似係~

餐廳資料:
貓の茶房
荃灣大河道45號樹勳樓1樓
2149 6261

8 則留言: