2015年6月6日 星期六

蜀香 - 止止老友的辣癮



食物:$$$1/2
環境:$$$
服務:$$$

筆者的朋友Ophe,已由半個澳門人逐漸進化成為四分之三個澳門人,相信在不久既將來,佢會成為當地的永久居民,每年可以收番一筆政府所派既「糖」。香港人唔羨慕得咁多。

難得她回港留幾天,即使再忙碌,也該抓緊機會,約埋兩位朋友,與她們一起碰碰面。

幾位朋友原來都想食辣,咁就食川菜囉。為了遷就我,最後大家定了在旺角廣華街的蜀香。感激!

辣飽佢

大家指手劃腳,有商有糧,選好了幾味菜色。不算太豐富,因為我們都想有下半場。
 
乾撈
率先來的,是燃麵,即四川人的乾撈。把麵徹底撈勻後,唔客氣了!麵條比較幼身,爽口之中帶點煙韌,個人頗喜歡這個質感。而且,香辣兼備,醒胃,在這個炎夏進食,合適。
 
有點搞笑的蒜泥白肉
涼菜方面,蒜泥白肉一向是我的心水選擇。豬肉片好鬼大塊,同埋厚薄不一,都幾搞笑。幸而,肉質亦沒有太過韌,甜道辣中滲出點點甜,都可以,但如果能多些蒜香,大概會更好。
 
脆卜卜
在座的都吃內臟,那就要來一味孜然肥腸。肥腸件件弄得乾身,脆卜卜的,不帶半點異味,取而代之是陣陣孜然粉和花椒粉的麻香,眾人都覺得不錯。
 
喜歡這味
在餐牌上看見有酥肉,立馬要來一客。最喜歡這味東西,不管是否放湯,也大愛。呢度既酥香,果真是酥香鬆脆,散發陣陣麻香,是我全晚最欣賞的菜色。
 
斬得太細了
最後一味,係口水雞,半隻。雞件斬得勁細,像雞絲多一點,咬落沒什麼肉,卻要呈小骨,很麻煩,其實三件合埋一件,大小就差不多。也正因為此,雖然味道算唔上差,但大家都吃剩了。

之後,我們去吃甜。大家覺得我們會去食中式糖水,抑或是西式甜品呢?


餐廳資料:
蜀香
旺角廣華街8號地下
2310 1118/2310 1388

6 則留言: