2015年5月12日 星期二

新同樂魚翅酒家 - 與星洲貴賓同樂



食物:$$$$
環境:$$$$
服務:$$$$

要帶新加坡的高貴來賓做市場考察 (即是食),咁一定要好好睇睇,免得失禮。他們想吃中菜Fine Dining,又唔係酒店的中菜廳,新同樂大概是最正路的選擇。

為做到萬無一失,還是先找總廚傾傾,寫張靚仔菜單,讓大家多試幾款特色菜餚。

邊食邊等

人未齊,先吃著香脆的腰果,篤住手機,覆吓公司電郵,慢慢等。
 
好高水準
跟以往一樣,打頭陣的,是百花脆皮豬。將老派粵菜百花雞,換上鬆脆的乳豬皮,入口仍是熱,不會散開,皮脆蝦膠彈牙,早已成為新同樂的名菜之一。
 
可考慮用小一點的器皿
服務生奉上一碟色彩繽紛的東西在我面前,正是鮮蟹肉乳酪。眼見就有黑松露、露筍、金華火腿、咸蛋黃等,一口細滑的蛋白連餸同吃,味道不錯,但份量太多,好飽肚囉~
 
夏天吃好
之後的蕃茄海鮮盅,同樣是賣相漂亮,又一樣飽肚。很大的蕃茄,釀入了帶子、蝦肉等海鮮,又是花功夫的一味,這清新組合,在現今天時暑熱的日子吃,最合適。
 
超鬆化
當然不會漏了這裡的扣牌菜,燒汁乾煏牛筋骨。很西餐的造型,肉質超級鬆化,富肉香,醬汁帶點甜,很合我口胃。不過呢件巨大既牛,要將之完成亦困難的事,好彩質素高,而且我是食肉獸。
 
好西式的賣相
仲有一味,亦是很西式賣相的,豆蓉星斑。肉質爽甜的紅色東星斑,配合幼滑的豆腐蓉,頂頭灑上了些少魚籽作點綴,好睇又好食。旁邊的貴賓說師傅應該睇左好多書學習西式擺盤,否則唔會味味菜色都咁靚
 
生果也花心思
單尾來一碗烏冬,簡單直接。再來,就是好吸引的生果拼盤,以及甜品。


稍甜了些少

從來不覺得紅豆跟杏仁茶會是合襯,嚐過後才知道,兩者可以是很好的朋友,當然,用上的要是大大粒又香的日本十勝紅豆。
 
好滿足
以蛋黃煎堆仔、班戟和薑味燉蛋的甜品拼盤作結尾,這一夜,飽到上心口。


下次再來,會是什麼性質呢?


餐廳資料:
新同樂魚翅酒家
尖沙咀彌敦道132號美麗華商場食四方4樓4D號舖
2152 1417

6 則留言:

  1. 紅豆杏仁茶??真係未食過喎

    回覆刪除
    回覆
    1. 原來都好Match, 不過今次甜左少少

      刪除
  2. 這晚的菜色是多少人份量架?

    真係想試下個加咗紅豆嘅杏仁茶!

    回覆刪除