2015年4月13日 星期一

Summer Ice - 有人喜歡紫



食物:$$$$
環境:$$$$
服務:$$$1/2

西環一帶港鐵通車後,最開心除了是附近的居民外,相信就是我哋呢班為食友,確實是方便很多很多。

通車後,大家定好來這邊吃個午餐,兼收手信。而既然一場來到,雖然午飯已吃得勁飽,有人仍提議前來厚和街的甜品店,吃紫薯窩夫。

吃咪吃囉,誰怕誰?

想不到下午三點幾的時間,門外已有大堆食客等候入座,使唔使咁誇呀? 在幾乎發霉之際,終於輪到我們。

 
裝修不花巧

店子小小,裝修不花巧,其實只要有一點點性格,年輕人已經好易接受了……好似係。
 
好耐冇食軟雪糕
第一款上桌的甜品,是Apple Crumble。新鮮焗出來,夠熱,香噴噴的。酸酸甜甜的,平衡得宜,味道對辦,但質感稍稍腍身了丁點,個人喜歡更脆口的。然而,旁邊的一記北海道牛奶軟雪糕,更令我歡心。可以追加十個八個圈嗎?
 
香脆
來這裡,唔會咁茂李唔食Waffle吧!來了兩客,分別是Japanese Waffle,以及店家的招牌Purple Waffle。前者的窩夫,比較脆口,配上一球綠茶雪糕,是很穩妥的選擇。
 
美絕~
主角的Purple Waffle,筆者更為欣賞。單是賣相已經無得輸。窩夫同屬厚身,但這份更能做出外脆內軟的口感,而且中芯有紫薯茸的餡,層次更佳。亮點更在於頂頭的豆腐雪糕,既漂亮,又好吃。好睇又好食的一道甜品,難怪會成為店家的人氣No.1 大熱。
 
慢慢嘆~
紫色窩夫討人歡喜,那麼飲品即管來杯Purple Latte。服務生奉上時,依然吸引。呷一口,很香的紫薯味,亦不失奶香,反而咖啡的成份應該不太多,不過喝下去仍是蠻舒服的。女士大概會更欣賞。


下著雨等半小時入座吃甜品,都好耐無試過。


餐廳資料:
Summer Ice
西環堅尼地城厚和街6-18號滿發大廈地下D舖
5541 0655

8 則留言: