食物：$$$
環境：$$$1/2
服務：$$$1/2
近來事忙，也有一排沒有些朋友，趁完成手頭上其中一個Project後，跟大家出來食餐飯，碰碰面。
不過，大家都知我放工早極有限，為免各位等我等到發霉，都係食自助餐會比較合適。
地點嘛，還是在沙田吧！方便大家。
來到的時候，見到在座有人已經在吃甜品，What? 唔係已經食飽打算走喇嘛?
 |
| 最愛中式燒乳豬 |
馬上出去攞嘢食。這裡最吸引我眼球的，正是在游泳池旁的幾個檔，原來是燒烤。當中有中式的燒乳豬，也有牛扒腸仔等，仲有梗係唔少得燒牛肉啦！最喜歡燒乳豬，皮脆肉嫩，拿一大碟回來，大家夾呀夾，不消一會已經清碟。
 |
| 壽司刺身 |
 |
| 吃了不少 |
又回到基本步。冷盤以及刺身壽司，呢度都有齊。我除了跟平時一樣吃很多Cold Cut之外，也嚐了些刺身，個人比較喜歡三文魚，覺得比吞拿好些少。
 |
| 海鮮種類頗多 |
去到海鮮類，蝦、螺、小龍蝦、青口、帶子，以致麵包蟹乜乜乜，各試了丁點，大致都可以，種類唔少。以咁既價錢，吃到咁多既海鮮，收貨了吧！
 |
| 不乏燒味 |
 |
| 好足料的海鮮飯 |
吃完一輪海鮮過後，循例都整少少熱葷食吓，叫做試過丫嘛。魚肉起碼唔會太嚡口，西班牙海鮮飯好足料，還有中西湯品，適合平時缺少湯水的朋友，想不到更有印度風味美食。
 |
| 好吸引 |
 |
| 好吃喎! |
呢度既甜品選擇都唔算少，各式各樣的蛋糕，以及慕絲等，色彩繽紛。拿了件撻，一般般，可以不理。黑森林蛋糕、草莓慕絲等，則正常得多。個人認為，最好吃的，是自制窩夫，唔知係朋友手勢好，還是咩原因，成品鬆脆好吃，伴以雪糕，真想Encore。
 |
| 期待再會面 |
餐廳資料:
L'eau Restaurant
沙田大涌橋路34-36號麗豪酒店3樓
2132 1040
我係三文魚擁護者，呑拿魚生食、熟食，我都唔啱食。XD
回覆刪除