食物:$$$1/2
環境:$$$$
服務:$$$1/2
老媽子去了嘆世界,又可以同老豆去食好嘢。不過,佢牛又唔食羊又唔食,仲有雞都唔吃,要選地方,都幾難搞。
乾脆吃西班牙菜啦!腦海突然閃出這念頭。
回想起來,對上一次來這所餐廳,已經是四年前既事,跟當年的長期飯腳黎醫生,也有好一段時間沒有聯絡。
Welcome Drink |
拿起餐牌看,午餐好像已經很豐富,先每人來一客,再想想仲有冇咩其實想吃的。
落單後,服務生奉上的Welcome Food,有點兒硬。反而旁邊的蕃茄沙沙醬,用來塗麵包,蠻不錯。
難得同老豆去食餐好的,就唔好諗咁多,來一份Iberico Ham,細的已經足夠。單是顏色,已令我雙眼發光,吃起來口感柔軟,咸香味豐富,油份足,老豆也一片接一片的吃,停不了口。
可選湯或沙律,我們都要了湯,磨菇湯,香氣陣陣,味道濃郁,有水準。試了一口蒜茸湯,也絕不遜色。
輪到Tapas,先講魷魚圈,口感比預期中軟腍,鮮味也沒想像中豐富,沾點醬汁食還可。
另一款的Potato “Fandango” with Iberico Ham
& Chorizo,相信是店家的招牌菜吧!面頭的一隻蛋,很吸引。將之破穿,跟西班牙腸以及風乾火腿混埋,連同脆卜卜的薯仔片吃,很好,果然沒辜負店家的名字。
主菜方面,有Grouper in Green Sauce。這尾斑,似乎不太入味,魚肉亦稱不上十分嫩滑,不是我杯茶。
烤豬就當然穩陣得多,皮脆而肉嫩,皮下帶丁點肥,甘香可口,卻沒有過份的咸,比上次吃到的,更出色。老豆更把旁邊的炸薯皮,也統統吃光。
甜品時光,這裡的芝士蛋糕,不論外觀和味道,都似足提拉米蘇,是可以接受的貨色。
而朱古力蛋糕,味道未算很濃郁,但沾點士多啤梨醬,未嚐不可。
餐後一杯咖啡,醒醒神,假日要好好珍惜喔!
餐廳資料:
Fandango Spanish Restaurant
尖沙咀廣東道100號彩星集團大廈9樓
2957 8797
每款份量少少,可以試多幾樣菜色,都幾好吖!
回覆刪除好奇下,唔牛、唔羊、唔雞,但你哋都無叫"菜"喎! ;P
我地只叫左午餐, 加多一份火腿ja~
刪除你咁好彩嘅,我個次食真係麻麻地
回覆刪除可能我要求低啦
刪除世伯果然係同道中人不過我吃G haha~
回覆刪除佢都食G
刪除