2013年8月15日 星期四

宏 - 綠茶甜品最耍家



食物:$$$1/2
環境:$$$
服務:$$$

菜色豐富,仲有美酒,大家在千鍋居吃得十分開心飽足,但沒有甜品就是差一點點。於是,一行八人便走到附近的宏,繼續我們的甜品盛宴,為這晚作個完美的終結。


又是人氣店
宏實在是間人氣長龍店,加上當晚為Happy Friday,大家也要等上好一段時間才能入座,而且是要分開四個一檯咁坐。不過唔緊要啦!食野最重要食得開心,點坐都無問題。
 
芬芳
各位安頓好後,開始揀選甜品,當然也就是以綠茶系列為主。又,大家很遷就我,知我上次已吃過這兒的卷蛋,是晚就沒有再點。柯打無耐,甜品陸續送上,先有抹茶雪芳蛋糕,質地不算十分鬆軟,但綠茶味卻是濃厚芬芳,中間的忌廉看似頗多,但入口細滑,來得恰到好處。
 
墊底的反而累事
再來的北海道抹茶牛奶雪糕,以綠茶系列作招徠的品牌,其抹茶雪糕自然不會失禮,只是墊底的威化有點跟不上。
 
有層次
另一款是抹茶拿破崙,一碟四件。以兩片鬆脆的酥皮夾著綠茶雪糕,咬落有點層次,中間的抹茶雪糕雖然是稍為硬了少許,但味道同樣是十分突出,愛抹茶的朋友必定喜歡。
 
咖啡也不錯
飲品方面,聽說這裡的咖啡也不俗,那就來杯牛奶咖啡試試。份量是幾細的,不過質素唔錯,香滑又不失咖啡香,喝得滿意。
 
KK也叫外賣

連最奄尖的KK也吃得滿意,還打包回家給女兒吃,可知質素係有番咁上下。其實,我仍沒機會嚐這裡的拉麵。既然甜品有水準,真的要搵日來吃拉麵,看店子是否咸甜都掂!

餐廳資料:
佐敦白加士街15號藍馬商業中心地下
2737 2665

3 則留言:

  1. 拉麵?我反而想試恆豐樓下D拉麵店喎

    回覆刪除
    回覆
    1. 宏嘅拉麵...唔好試啦....
      Ramen Champion....eer....

      刪除