2013年6月8日 星期六

Flame (Towngas Avenue) - 買爐具,送一餐



食物:$$$
環境:$$$1/2
服務:$$$1/2

由於換了煤氣爐,得到幾百蚊現金劵,可於Flame – Towngas Avenue用餐或者買蛋糕,又有口福了。快快找個日子,去吃頓午餐,把手上的現金劵幹掉,否則以我咁大頭蝦的性格,只會放到過期。
 
Buffet Counter
今次記得帶相機,不過為什麼開不了機呢? 唔係壞機呀? 唉,原來係冇電 (前一晚拿了粒電去叉,冇放番入去),真係樣衰到爆,唯有用手機頂住檔。然而,經過少許後期加工,相片出來的效果又唔太差喎!
 
先小試牛刀
這兒是半自助餐形式,主菜四揀一,頭盤和甜品自已出外面Buffet Counter搞掂,價錢介乎$128 - $178,另加一,算是合理。出去瞄幾眼,頭盤的選擇頗為有限,大部份都是沙律,同埋Cold Cut。幸而,水準還是可以,沙律菜大都新鮮爽脆,帶點醋的微酸,很是開胃;蘋果西芹沙律則爽脆清新;火腿軟熟之餘,仍帶點肉香。
 
要留肚
麵包籃的幾款麵包,因為我要留肚吃其他食物,所以只淺嚐了些少,不過拿上手,均是凍冰冰的,沒啥吸引,不吃也沒有大損失。
 
頗香
是日的餐湯,為青瓜忌廉湯,若不喜歡的話,可另加二十個大洋轉龍蝦湯或者黑菌濃湯,我則回去最基本的去。湯幾香,而且是熱的,唔錯,最討厭溫溫吞吞的,我不介意再多點青瓜味。
 
稍嫌嚡口
我的主菜是春雞,用上了髀位,賣相尚佳,似乎好唔錯。可是,肉質原來頗為嚡口,雖然味道正常,個人還是不太喜歡。
 
普通
對方吃的是魚,但餐牌上的煎鱈魚,怎麼會變成了三文魚呢? 我還是執筆時才留意得到。偷了一點來試,同樣是有些過火,未能達致外面香而中間亦是當熟的狀態,這大概也是保險的做法。
 
多一點甜品就好了
甜品實在不多,忌廉泡芙未算軟熟,芒果芝士蛋糕有欠清新感覺,焦糖燉蛋看賣相便知唔多妥,幾款啫喱如在家自己弄的水準,還好生果是比較新鮮。
 
不可或缺
按我的習慣,以一杯咖啡作為今餐的終結。
 
不如找天自己動手做?

坐了近兩小時,總算是個悠閒的下午,如果天氣好一點,整件事會來得更加理想。

餐廳資料:
Flame - Towngas Avenue
尖沙咀廣東道33號中港城第1座平台1號
2367 2713

2 則留言: