Follow me on Instagram

2013年5月3日 星期五

Agave Tequlia Y Comida - Cinco de Mayo 大日子!




食物:$$$1/2
環境:$$$1/2
服務:$$$1/2

不說不知,原來Cinco de Mayo (西班牙文,即五月五日)是墨西哥的大日子,當地以致美國部份地方也會慶祝,似乎仲勁過香港國慶。筆者有幸,得到灣仔的墨西哥餐廳Agave的邀請,率先體驗一下為Cinco de Mayo的主題而設的Buffet
 
好多配料
呢個Buffet實在太過抵食,$198,真係去邊都搵唔到。看看那Buffet Counter,擺放著不少tortilla的配料,如青瓜、生菜絲、青檸、蘿蔔片及蕃茄莎莎等,就是搞這個已經十分過癮。
 
不會乾柴柴
我寫得出來介紹的Buffet當然唔係得咁少嘢啦!如果係既話,相信好快會俾人插死。還有一系列的肉類,譬如說Marinated Pork,不辣,亦沒有太乾,吃起來香口又入味,吃了不少的。
 
香料味頗重

魚肉嫩

至於雞肉,是稍為刺激一點的,同埋香料味幾重,我個人挺喜歡,但就吃得同桌的朋友大呼勁辣;另外亦有炸魚,同樣沒有炸得過火,屬外脆裡頭仍然嫩滑的感覺。
 
惹味

醒胃

還有Chili Con Carne,當然就是辣的,辣汁很惹味,跟牛肉絲的味道亦十分之夾,愈食愈開胃,是令人停不了口的辣東西。仲有一款以石鍋上的Prawn Molcajetes,熱呼呼的,味道帶點酸辣,是酸味多於辣,加上蝦肉本身爽口,都好唔錯喎!
 
我喜歡的墨西哥食物
除此之外,也嚐了些Buffet以外的東西,如出晒名的墨西哥菜Nacho,分別有芝士以及牛油果醬,兩者都十分香脆,也是我愛的墨西哥食品之一,兩者之中,個人較喜歡芝士口味。
 
另一代表菜色
Tacos亦是墨西哥的另一代表食物,由於太飽,只會甜魔媽媽Yan分了半件。新鮮包起,外皮很是軟熟,包裹著裡頭辣辣的豬肉,惹味。
 
甜!
由於集團的市務總監實在太清楚我們的口味,也特地為我們準備了兩份甜品,當中有橙味的Flan de Naranja,是十分之甜的一道dessert。另一款則是Crepas con Cajeta,班戟皮煙韌,口感對勁,不過焦糖醬也實在太甜,始終是當地的特色。
 
焦糖醬勁甜
記住五月五號呢個日子啦!

餐廳資料:
Agave Tequlia Y  Comida
灣仔駱克道93號地下C&D舖
2866 3228 

沒有留言:

張貼留言