2013年4月26日 星期五

零食篇:吉百利,新口味!




叮噹!叮噹!收嘢啦喂!

大概是速遞送來的吉百利朱古力,公關朋友之前同我打過招呼。
 
好喜歡呢個袋
哇,首個印象,個袋好靚,我很喜歡,第日可以拿出街用。而整袋東西都有番咁上下重量,相信裡頭的內容會是十分豐富。一如所料,巧克力的數量是極多,絕對可以滿足我這甜魔。
 
大大盒
先來一大盒的牛奶朱古力,有大有小,斷估都有五、六十條。個人認為,吉百利朱古力,最好就是一邊做嘢一邊食,不單能為苦悶的工作帶來生氣,還能提高工作效率,做嘢都醒神D
 
新口味
除此之外,當然還有全新的Marvellous Creations牛奶朱古力,兩款新口味,分別為「爆炸糖 x Jelly Bean」和「蜜糖脆脆 x Jelly Bean」,兩者均是由澳洲Joyville工場直接製造出來的開心甜蜜。據說這是由Joyville開心團隊在玩Candy Crush時想出來的,呢班友仔真係創意無限,睇嚟我都要打多啲機先得。
 
較喜歡爆炸糖 x Jelly Bean
說回兩款產品的味道,「爆炸糖 x Jelly Bean」,咬開甜美的爆炸糖,裡頭就是口感特別的啫喱豆,仲有爆到啪啪聲的爆炸糖,層次豐富,同時亦帶出兒時的回憶,果真不錯。另外的「蜜糖脆脆 x Jelly Bean」,顧名思義,朱古力之下就是煙韌的啫喱豆豆以及甜甜的脆粒,也有特色,但個人是較喜歡爆炸糖的那款。
 
仲有實用的USB手指
巧克力以外,這個袋裡面,仍有一些實用的東西,譬如說就是Note Pad以及一隻很似吉百利朱古力包裝的USB手指,對於有機會要出外寫稿的朋友而言,肯定用得著。
 
甜蜜又滿足!
感謝靚女公關Celia送來朱古力,收到這份甜蜜,實在是大滿足!

1 則留言: