食物:$$$1/2
環境:$$$$
服務:$$$1/2
甜魔媽媽又有筍野益街坊,今次係荃新天地的新餐廳Melissa的Coupon。這餐廳剛開業不久,在網上已有不少人討論,是人氣新星,亦是我Wish List之中的一個地方,能以優惠價品嚐,最好不過。
時尚設計 |
這商場的兩間Waraku,某天突然雙雙消失於眼前,樓上變成了在荃灣有第三間分店的Olive Café,地下的位置就由Ambrosia Group的Melissa取代之。唔使問,一定是Melissa吸引的多了。餐廳的設計很時尚,加上高樓底,空間感十足,予人舒服的感覺。
怪怪的 |
好咸 |
先來餐湯,有最基本的意大利菜湯以及加了$15的龍蝦湯,前者味道跟我平時喝的大不同,感覺不很天然。以為要加錢的會好一點,原來又只是得個咸字。配角的餐包,我就給可愛的Matthew仔吃了,沒法俾評語。
不算太入味 |
大家都是Carbonara 的粉絲,在餐牌上看見這味,又豈能錯過? 這款是用上濶條麵的,麵條質感可以,但就不很掛汁,吃起來不太進味,但其實醬汁本身的味道是對辦的。至於煙肉,可以弄香口一些。
豐富 |
湯和卡邦尼意粉均不是這裡的主打,不怪它。那鐵板餐可以見真章了吧!鐵板什扒,有齊豬扒、牛扒、雞扒、雞全翼、煙肉同埋蛋,俾足料你。總的說,大致都唔差,唯獨是豬扒嚡到唔得了,但牛扒就是不錯,既香又不過韌,半熟蛋肯定會大受歡迎。
自行倒汁更好 |
另一款鐵板餐是龍蝦拼西冷扒,還來不及拍照,侍者便把整兜的白菌汁倒進去。偷條薯條吃,熱得燙口,西冷同樣是肉嫩又夠香口,而半隻波士頓龍蝦都唔差,肉雖不多 (波龍是這樣了),但總算燒得香,又爽口,不再挑剔了。
下次食大龍蝦 |
飲埋杯勁大凍檸茶,時間不早,Matthew仔也要睡覺了,係時候結賬離開。
餐廳資料:
Melissa Seafood & Grill
荃灣楊屋道1號荃新天地地下G48舖
2153 0848
沒有留言:
張貼留言