2011年7月15日 星期五

千兩 - 夏日透心涼


食物:$$$1/2
環境:$$$1/2
服務:$$$$

以上的圖片係咪好吸引呢? 這是千兩的出品,新鮮空運到港。是晚有幸得到那邊的公關邀請,品嚐七月推出的夏日透心涼新菜品。咁有新野試,我當然會樂意出席。



約好相熟的食友一同前來,結果發現大部份出席者均是認識,那就吃得更加輕鬆。



在等候期間,先點杯飲品。店方有四款新出特飲,有酒精及非酒精類,不好酒的我,要了杯烏龍橙茶,味道比較淡,但仍不失清爽感覺。



人齊,晚餐正式開始!香草海鮮刺身沙律,是按位上。雖是一人份量,但內容豐富,菜蔬幾新鮮,又有我喜愛的火箭菜,淋上的香草汁也很醒胃,配上鮮甜的帶子、蝦刺身、三文魚,整體效果清新。



每人一件燒玉子,仍是熱暖的,外層燒得香,食落又有蛋香,而且層次感豐富,是全晚我最欣賞的食物之一。



新鮮空運到港的幾條魚,分別是白刀魚、天然小鯛以及香港人較為熟識的池魚,這晚就用來做了九州三味刺身。由淡味吃至濃味,即由右手邊開始食起。感覺上,太刀魚幾爽口;天然小鯛頗鮮甜,魚皮位輕輕灼過,令魚皮唔會韌;而最濃鮮的就是池魚,好吃。



又是每人一隻的吉列蠔,用上的是桶蠔,自然是肥大。蠔炸至金黃色,外層脆口,內裡的蠔肉甜美有汁,同樣不俗。這味蠔是配上吉列醬汁,不過我覺得蠔本身已經好食,不用再沾任何醬汁了。



又要提番剛才出場的刺身,魚骨沒有浪費,拿了去炸。估唔到也炸得乾身香脆,有水準,最適合佐酒。



壽司是不能缺少的,有三款,係大吞拿魚腩、醬油漬吞拿魚同埋赤海蝦。飯糰件件四四方方,或許不是手握的。赤海蝦鮮甜,最得我心。而吞拿魚腩顏色麻麻,我的那件甚至有點腥。向店方反映後,師傅馬上再弄一件出來,我沒吃,但看起來就似樣得多,同埋大家的評語亦不錯。



壽司以外,亦有牛油果軟嗀蝦卷。吃得出牛油果的香味,可惜軟殼蝦有些少韌,或者是大家掛住傾計而沒有立即吃的關係。



甜品來之前,還有個渡蟹麵豉湯。湯底是清甜,蟹亦好新鮮,只不過吃得太飽,無法完成。



想唔到店方也為大家預留了甜品,首先有糯米糍皮包著紅豆和綠茶雪糕,皮是煙韌,雪糕質素亦不錯,吃得開心。不過,之後的Brownie 更加好吃,朱古力漿濃郁,再配以HD既雲尼拿雪糕,我除了把自己那份吃清外,更好唔客氣咁把食友的半份都吃掉。



大家也吃得開心,再次多謝PR的邀請。

餐廳資料:
千兩
尖沙咀廣東道28號新太陽廣場B06B號舖
2730 5279

沒有留言:

張貼留言