2011年1月8日 星期六

民聲冰室 - 中午的小山丘


食物:$$$1/2
環境:$$$
服務:$$$

民聲冰室在大坑屹立了很多年,一些公仔箱食家/ 美女廚神都介紹過,如果大家有留意飲食節目,對此店應該都不會感到陌生。



或許經過傳媒報導,加上店子本身有番咁上下實力,這個地方是很旺場的,店內店外經常坐滿人,有時候甚至要排隊等食。這天幸好食友KK先行駕車來霸位,我們才不用等位直接有得吃。



午餐款式比晚市少得多,只有大概五、六款選擇,由於是日係打算掃很多場,所以只點了兩個餸淺嚐。有叉燒炒蛋,蛋是幾嫩滑,可惜叉燒份量太少,亦太瘦,但夾埋甜甜的靚豉油,味道都可以的。



中午的咸蛋蒸肉餅,頂多只可算是小山丘,跟晚市的肉餅山明顯地有分別。然而,混入了肥豬肉的肉餅,富有肉香,口感鬆化,送飯一流。不過,最吸引的卻是山頂上的咸蛋黃,又香又鬆,好食到不得了。



呢度既奶茶也很出名,我今次要杯凍的。很大的一杯,不過冰粒都有一定數量,唔會咁著數。喝下,都算幾滑的,只是茶味稍遜,普普通通啦!



據報熱奶茶夠香滑,會比凍的好飲,下次來要試。

餐廳資料:
民聲冰室
大坑浣紗街16號地下
2576 7272

沒有留言:

張貼留言