2011年1月5日 星期三

Thomas Trillion - 名廚都唔使咁貴丫


食物:$$$
環境:$$$1/2
服務:$$$

很多人都說過Thomas Trillion的水準很一般,都是名大於實。不過我們這班甜魔就是這樣,縱然是再貴,人家講得再難吃,未試過,總要吃一次才心息。所以今次既甜魔聚會,大家是先約到天后買餅。



就是那盞水晶吊燈,幾張証書,還有大師傅Thomas Lui的大照片,其實即使沒有聽聞過,單睇表面,已知店子是走高檔路線。有甜魔會長和Oli等資深甜魔在場,我和Thomas、Cheap兄等人都不用費心去選蛋糕,總之份量一定唔會少,拿上人家屋企一定唔會失禮。



買了九件餅,聽聞要四舊幾水落樓,平均每件$48有多,貴得都幾離譜。逐件介紹一下,先有大家都唔會陌生的招牌蛋糕Rosenna,紅紅的圓圓的,還有窿窿,賣相是一流。然而,紅莓和朱古力味道都不算突出,絕對是華而不實的貨色。



對拿破崙本有點期望,酥皮是脆,卻並不鬆化,吉士厚厚一片像牛油,吃起來也不香滑,還以為自己在吃牛油夾心餅乾,根本唔係我想像中的拿破崙。



白色的半圓球體Yuzu,據報是柚子口味的,不過從賣相到味道,我也吃不出有什麼柚子的味道,還以為是我自己的味蕾出了問題,原來其他朋友都有同樣感覺,那即是這件Yuzu不合格了。



又是半圓球體的出品,只是顏色換成青綠色,官方名字是Apple Mint。睇色水,聽名字,都以為會很清新。可是,只吃得出少許酸酸的味道,跟清新二字扯不上任何關係。幸而,蛋糕本身都夠軟滑。



還有一款叫Daisy的,我第一感覺就是,咁似Pacific Coffee的出品既?! 這款其實下面是杏仁撻做底,新鮮紅莓和紅莓慕思鋪面。我會說,紅莓並不酸,但撻皮仍是有點實,未算突出。



芝士蛋糕做成圓形的,不過外表唔漂亮,芝士味也全不濃郁,雖做成一層層的樣子,但吃起來層次感毫不豐富的。



另有是Marron,就是栗子蛋糕旁邊加上兩片有漂亮花款的朱古力片,坦白說算不上特別,就只是旁邊的朱古力片靚一點而已。栗子不香亦不軟滑,海綿蛋糕唔得軟熟。跟賣相一樣,就是朱古力片最滑最好。



最可惜的是,打開盒子時,有一件蛋糕已經溶掉,是那件Pine。為什麼說可惜? 因為外層朱古力漿既濃且滑,理應最配合甜魔的口味。



最後,也是最搶錢的一件,Ganach Cake,如朱古力慕思的樣子,味道是濃郁,不過就不軟滑,只能說是普通。後來聽甜魔會長講呢件蛋糕索價$80!咩話?!



平均$48/件有多的收費,竟是如此的質素,唔係呀Fa!

餐廳資料:
Thomas Trillion
天后永興街17號地下
2806 0332

沒有留言:

張貼留言