Follow me on Instagram

2010年10月27日 星期三

Olala - 山坡上的法式午餐


食物:$$$
環境:$$$
服務:$$$

都說過,我很喜歡星街一帶的食肆。試過好幾間,印象都很正面,在這些餐廳用膳,心情也開朗一點,今次既目標就是斜坡上的Olala (溫馨提示:附近有三間Olala,訂坐前要肯定,是電氣道的那間)。


由接聽訂檯電話到入座服務,以致餐廳環境,以法國餐廳來說,不合格。最大特色反而是印有周老闆肖像的濕紙巾包裝。但,單計這個,跟高級法國餐廳拉不上任何關係,似乎也不值得花幾百個大洋來吃一頓午餐。


環境和服務未達標,且看食物水準如何!中午是沒有套餐,只有A la Carte。瞄一瞄,咸食價單都幾貴,甜品收費反而好合理。商議一會,還是主攻甜品,頭盤、主菜,少一點也沒所謂。


沒有選擇,店方是奉上Vittel礦泉水。又其實,呢個世界係冇免費礦泉水的,精明的Oli發覺,支水係要收三十塊錢的,真不划算。


落單後,先吃餐前麵包,是脆法包。誠然,法包並不軟熟,幸而是烘番熱,外層脆口,也不難吃。


頭盤點了沙律,沙律菜新鮮爽脆,蕃茄亦甜美多汁,亦附有我喜愛的火煎菜,所以我是滿意的。然而,主角其實是面頭的Poached Egg,真有衝動一啖「啜」佢入口。最後還是把蛋篤穿,讓蛋黃汁滲進沙律菜中,加以撈勻,滋味無窮。


對方想飲法式洋蔥湯,也苛打一客大家分享。送上來時,真的很香,味道亦濃郁對辦,同意Oli所講,芝士是少了點。


主菜由我來發板,要燒豬筋骨。揀這味,主要是因為用上西班牙豬去做,肉質一定唔會差得去邊。果然,燒得香口,肉質鬆軟,卻仍保持咬口,還帶些海鹽及黑椒的味道,我認為不錯。一碟三條骨,我不客氣,吃掉了兩條。


咸點不多,就此結束,接著就是四款甜品上場。首先來到的係鮮芒果蛋糕,蛋糕質地軟熟,忌廉不會太漏太多,反之鮮芒果肉份量充足,而且清甜,是意料之外的出色。


另一款是拿破崙,賣相都似樣既,碟皮也的確脆口鬆化,可惜的是吉士餡太多粗糙,既不香,也不滑溜,總的說未合心水。


Crème Brulee,看上去好似樣,還以為會十分好吃。誰知面頭的焦糖完全不脆的,蛋香欠奉,質地又不滑溜,我無法完成。


最後的甜品係焗蘋果撻,竟然只收$35? 果然,一分錢一分貨。出品並不似是自家制,玉桂味欠奉,唯勝在剛剛焗起,夠熱,外皮仍鬆化。價錢雖不高。但真沒想過在法國餐廳會吃到這個水準的蘋果撻。


點睇點計,呢餐都唔值幾百蚊/ 位,叫做見識過就算,不會再翻兜。

餐廳資料:
Olala
灣仔電氣街1號地下
2294 0450

沒有留言:

張貼留言