Follow me on Instagram

2010年6月16日 星期三

松屋日本料理 - 在長沙灣的死位食放題


食物:$$$
環境:$$$
服務:$$$

呢個鋪位又係一個死位,由五十嵐開始就不斷的易手,轉了四至五手,轉到頭都暈。今時今日,到了松屋日本料理。


環境沒什麼特別,不在此長氣,單刀直入談食物。放題形式,刺身、壽司、天婦羅、炸物、串燒等等,任你吃個夠。反正是任點任食,由朋友話事,叫咩我食咩。先刺身,三文魚是厚切,但未算鮮甜,中規中矩;鮑片要好一些,幾爽口,不韌。


若刺身屬中等水平,壽司就是不濟。飯糰握得不好,吞拿魚非常差,不單唔甜美,甚至有渣;魷魚幾韌,欠缺鮮味。


天婦羅也來幾款,炸蝦、蕃薯、茄子,炸得鬆脆香口,不會油膩,後兩者我覺得不錯,可惜蝦肉有點霉,太浪費了。至於餃子,皮又厚又硬,過份乾身,我唔欣賞。再來是腐皮蝦,外皮韌韌的,蝦總是霉的,不行了;炸廣島蠔,色澤不錯,可是粉漿是厚得過份,蠔細得離譜。


翡翠螺幾大隻,厚肉,又幾爽口,可以接受;枝豆一向是我喜歡的食物,爽脆清新,我吃了不少;炒什菜則稍嫌太油。


串燒自然少不了,牛舌爽而不韌,味道好;鵪鶉蛋香口,口感實在;粟米有少許燶,幾吸引;紫心蕃薯,又甜又軟身,也好吃;幾款串燒,均吃得過。


最後就是雪糕了,有香芋、綠茶、芝麻和菠蘿四種口味,我只要了最後者,貪其清新,雪糕裡頭有粒粒果乾,更有層次,味道又是幾好喎。


希望松屋可以頂得住,唔好三幾個月又話要轉手。

餐廳資料:
松屋日本料理
長沙灣青山道156-162號永基商業大廈1樓
2387 2201 / 2387 2202

沒有留言:

張貼留言