Follow me on Instagram

2010年5月10日 星期一

La Fleur - 疑似港式西餐廳


食物:$$$
環境:$$$
服務:$$$

是一間幾隱蔽的店子,即使知道大概位置,也差點兒找不到。同時,環境沒有想像中好,中午繁忙時間,也算不上清靜,未食已有少許失望。

午餐套餐並不貴,一百蚊唔使就有得吃,在這一帶來講算是經濟之選。看見食友猶豫在意粉和肉眼扒之間,索性就叫呢兩樣,大家分享。


先上麵包籃,餐包烘得既熱也脆,本身質地亦鬆軟,水準唔低。卻嫌店方太過吝惜,只給予一小片的牛油,吃得不夠暢快。


頭盤我揀煙鴨胸沙律,肉雖嫩,卻吃不出煙燻的感覺,而且是黑醋放得偏多了,即使蔬菜新鮮,也被黑醋奪去了味道。


反而Oli的蕃茄芝士沙律配香草黑醋油汁更好吃,蕃茄十分鮮甜,配上香滑芝士,感覺清新醒胃。

主菜先講我既肉眼扒,賣相像港式餐廳的出品。厚身的肉眼,雖見到有些少血水,肉質卻很韌,亦欠缺濃烈的牛肉味,唔合格。伴碟的薯角,幾香口,比主角還要吸引。


香辣茄汁蜆肉意粉,是用上扁意粉,軟硬適中,口感彈牙,蜆肉幾鮮,香辣汁惹味,不錯的。為什麼每次Oli揀既既食都比我的好? 係咪靚女會有著數架?


另加$25可享用甜品,問問店員,是日甜品分別是cream brulee、tiramisu及朱古力蛋糕。橫豎三款都想食,要晒佢。Tiramisu質地濕潤,有少許酒香,但層次感並不豐富,只覺吃著一Pat東西;


朱古力蛋糕味道濃郁,卻過份黏口,如Oli所說像吃泥膠似的;


Creme Brulee面頭的焦糖仍未燒好就拿上來,真令人失望。滑是滑,卻欠缺蛋香,無甚驚喜。總的說,三款甜品均未能滿足大家。


正如食友所講,這裡的水準遠不及Spuntini。

餐廳資料:
La Fleur
灣仔進教圍16號地下
2866 7337

1 則留言: