2010年2月19日 星期五

Zaks - 假日好去處


食物:$$$1/2
環境:$$$$
服務:$$$

整個愉景灣,老外比香港人更多,還有低密度住宅和海灘,與我在外國讀書時的宿舍有八成相似,真懷念當年的生活,更想在這裡擁有一個單位。不過,發夢未有咁早!

論環境,呢間餐廳真係無得彈。室內裝修簡約舒適,又有露天座位,更飽覽無敵情靚海景。在這裡用膳,是多麼的享受啊!由於下著毛毛細雨,只座在室內位置,但舒適程度未減。


服務員全是英文人,奉上的也是英文餐牌,貫徹這小島的作風。有我最愛的Carbonara,就點一客,另要了一客Caribbean Chicken。甜品稍後再叫。


Carbonara份量不少,用上的是濶麵,更為正宗。麵條彈牙爽口,但未算幼滑,蛋香略嫌不夠,煙肉經煎過,是香口,卻又是偏硬了一點,總的說稱不上高水準。


Caribbean Chicken,有兩塊雞胸肉,幾香口的,再配以濃味的醬汁,味道不錯。咁大件雞胸肉,肉質亦不是太 『鞋』,相信是烹調有法。呢度食西餐,伴碟當然不會馬虎,西蘭花、青椒、紅椒、boiled potato,全部有齊,色水好之餘,味道也不遜色。


慢慢的吃完主菜,再hea一陣,堅持食番個甜品。問服務員拿個Menu,硏究下有咩好食。見到有心太軟,但今次就沒有order,反而落一客Ultimate Chocolate Sundae。

想像不到Ultimate Chocolate Sundae係咁大杯的,且賣相又靚,很有驚喜。朱古力和雲尼拿雪糕均是軟滑又好味,bownie濃郁質感亦實在,加上濃味的Fundge Sauce,又怎會不好味呢!份量太大,吃罷真是要抱住肚子走。


放大假,享受一頓悠閒的午餐,很是寫意。

餐廳資料:
Zaks
愉景灣D Deck G04舖
2987 6232

沒有留言:

張貼留言