一班人約食飯，唔使問AI，都知道吃自助餐最適合。
揀六國酒店，因為佢緊既主題，龍蝦、花膠及片皮鵝，大家都覺得相當吸引。
由冷盤說起，一系列的 Cold Cut，莎樂美腸，煙三文魚及沙律等，作好熱身。冰鎮海鮮有齊海蝦、青口、翡翠螺及蝦腳等，當然唔少得主角的開邊龍蝦，每樣來少少，即可堆滿一碟海鮮拼盤。然而，最吸引我的凍海鮮，要數到麵包蟹，蟹羔多到滿瀉，十分誘人。刺身有赤貝、甜蝦、鯛魚、劍魚、八爪魚及三文魚，每樣拿一點，跟大家分甘同味吧，至少不是淡而無味的出品，收貨。個人覺得，這裡的熱身是強項。三大主角之一的鮑汁燴花膠，非常之受歡迎，店家亦補貨補得好快，轉頭又有新的，抵讚！海鮮的熱食好充足，薑蔥炒龍蝦鉗有夠惹味，焗釀蟹蓋最得我歡心，蒜蓉粉絲蒸扇貝勝在蒜蓉俾得慷慨，酥炸生蠔香口，仲有邪惡既鹹蛋黃金蝦，蠔皇扣海螺片及香煎檸檬三文魚賣相都好靚仔。喜歡啖啖肉既筆者，也不愁沒有選擇，上湯菜膽雞嫩滑入味，甚至有我喜歡，滬式的紅燒獅子頭。是夜胃口唔算太好，喝點湯水濕濕地，中湯西湯，各有愛好者。作為食肉獸，點都唔會錯過燒牛肉，粉嫩的色水，軟腍的口點，自行配點黑椒汁或肉汁，清碟無難度。坊間大多地方供應片皮鴨，呢度將之昇華，出動到片皮鵝，自然更加香更加吸引啦！
串燒及鐵板燒款款來少少，但一定不要走漏鴨肝多士，邪惡又如何?叮叮聲響，就是表演時間，是夜三次的表演項目，分別為堂弄花膠意大利飯、燒菠蘿，以及火焰雪山，咸甜胃都照顧到。經燒過的菠蘿，散發的甜味，是令人難以抗拒的。除了剛才表演的兩款堂弄甜點，大可再吃幾件蛋糕及檸檬撻與葡撻。最後，是每次來這裡必吃的即製窩夫，新鮮出爐熱呼呼，自行加雪糕做到冷熱交融的冰火效果，貪心既朋友集齊五款口味的哈根大師雪糕，視覺感有夠震撼。餐廳資料:
Le Menu
灣仔告士打道72號六國酒店1樓
28663808
沒有留言:
張貼留言