我家習慣，所有節日都會提早慶祝，費事同人迫餐死，甚至被迫吃些唔岩心水既套餐。
今年父親節都唔例外，早一星期來到Hyatt Centric的中菜廳,吃頓悠閒又豐富的午餐。
酒店已有好幾年歷史，但中菜廳尚萃軒就係新開沒多久，是將原先自助餐改成。
餐廳英文名字叫做One Duck Lane，顧名思義就是吃鴨的地方，因此在訂座時已留定半隻片皮鴨。分淨皮及連皮帶肉兩碟，跟上鴨醬、蒜茸及砂糖。連皮帶出最好就是配鴨醬，跟青瓜絲及京蔥絲，以麼麼皮包裹來吃，傳統又好味。淨皮沾砂糖，的確做到入口溶化的效果。隨之而來是一系列的點心，當中最吸睛的，毫無疑問是星斑金魚餃。造型維肖維妙，外皮不會黏牙，內裡超多的星斑肉及蝦肉，味道蠻好，唔係得個樣。鮑魚雞粒酥是原隻鮑魚的造型，咬落酥脆，裡頭是滿滿的鮑魚粒及雞粒，其實唔差既，不過個人始終較喜歡龍景軒的那款鮑魚雞粒撻，感覺更實在。剛才的星斑金魚餃及鮑魚雞粒酥是每位計，但之後的點心，就是三或四件/籠 (當然可接人頭再逐粒加)。蝦餃一籠四粒，隻隻豐滿，澄麵皮不過厚不黏牙，蝦肉成份巨多的，更喜歡是混入筍尖，絕對是加分位。小籠包要趁熱食，至少做到皮薄湯汁豐盈，夾起唔會穿，無咩投訴。有時吃得叉燒腸或蝦腸多，偶爾來份牛肝菌翡翠素珍腸粉，也吃得舒服，同埋佢餡料絕對充足。
雪山竹炭焗叉燒包，特別欣賞其鬆脆不硬的外殼。一向無乜所謂既老豆，竟然主動開口要食冰鎮菠蘿油，當然無問題。體型比茶記的菠蘿包細，但牛油仍算厚身，冰火感覺，無可能會唔好食。曾經碩果僅存的菲林筒(芝麻卷)，家陣又再流行番，呢度出品總算味道濃郁，層次豐富，更讚是賣相。蛋白杏仁茶、開心果露及楊枝甘露的味道交足功課，可是份量偏細，對於甜魔家庭而言，是有點到喉唔到肺。主角滿意，畢竟最緊要都只是齊齊整整食餐飯，就是了。餐廳資料:
尚萃軒
北角北角邨里1號香港維港凱悅尚萃酒店西座2樓
38969896
沒有留言:
張貼留言