好多人笑言，要食Omakase，直頭飛轉日本嘆喇，仲可以順便Shopping。
但其實，你估真係唔需要時間咩，唔係人人可以話飛就飛吧！
筆者咁為食，有時癮起，當然都會係香港搵地方嘆個Omakase，不過就是更小心挑選，揀些性價比高店子去光顧。
今次來到朋友推介，位於炮台山的鮨辰，試了其二十道的廚師發辦。
以清甜多汁的番茄打開胃口，在炎炎夏日，是最佳的開端。右口魚兩種做法，火炙過的自然多一份香氣，另一則是簡單配上酸汁，捲起來吃，也有夠清爽怡人。深海池魚爽脆嫩滑，帶有油脂感，這款魚素來是我的心水。沙甸魚卷，是社交平店常見的名物，筆者在同系的大坑店品嚐過，同樣是鮮味十足，層次豐富。接著是兩款貝類，象拔蚌(唔記得影相)及赤貝，兩者不同的爽脆及鮮甜，都很出色。硬要殘酷二揀一的話，當然我會比較喜歡象拔蚌多些。茶碗蒸吃得多，但加入了蝦羔的邪惡版本，真是較少機會嚐到。濃郁的蝦羔跟清淡的蒸蛋肯定合拍，而且火侯控制好，質感細滑，最重要是溫度十足，再邪惡也會被我消滅。再來是池魚，口感爽身，味道較純粹，師傅以薑茸來作點綴，實是聰明的做法。經火炙過的梭子魚，香氣大大提升，岩晒喜歡香口嘢既我。鮑魚角切，口感軟腍，如果可以配少少肝醬，我諗會更討我歡心。近期跟立麟燒呢道美食很有緣份，不論在鐵板燒舞店、西餐，都嚐過好幾遍，估唔到是夜亦見此品蹤影。肉質細嫩，魚皮脆卜卜，大概已是必然事。呢度既汁醬更加做得精彩，令成件事錦上添花，我連湯汁也喝得一滴不剩。之後就是壽司環節，第一件係魷魚壽司，師傅既呢個切法，令魷魚爽口不韌，加上本身的鮮味，很不錯。金目鲷肉質細緻，味道清甜，油脂豐盈，吃壽司我就是喜歡偏多油份的魚類。帆立貝就不用多說，鮮甜是理所當然。或者師傅看穿了我喜歡入口融化的刺身來做壽司，所以跟著來的兩件，就是油甘魚，以及拖羅，正中我下懷。油甘很合心，而論油份，拖羅自然更加豐富，溶在口中。最後一件，是萬人迷的海膽壽司，鮮甜細膩，滿足滿足！素來喜歡咸香的明太子，將之配以炸粟米，真係無得輸。許多地方都只會俾味噌湯，有時我會嫌佢太重味太搶喉，是夜竟遇上白雞湯，即時昇華至另一屠次。以濃郁的栗子雪糕作為豐盛晚餐的結尾，圓滿~餐廳資料:
鮨辰
北角電氣道183號AIA Tower地下16號舖
95816809
沒有留言:
張貼留言