食物：$$$1/2
環境：$$$1/2
服務：$$$1/2
繼續跟各方朋友吃開年飯！
有人提議去飲茶，大家都覺得是好主意，於是問問AI ，中環區有什麼建議。
得到的答案是在大館內的樂茶軒。群組入面無人異議，熱心人士便馬上訂枱。
顧名思義，這裡是飲茶為主，配搭多款點心，都是很大路的組合。只是，我沒有為意，原來所有點心都是素的，早知我食定雞髀打底。哈哈，講笑！
既然是以茶作主打，茶既款式自然多不勝數。傳統的紅茶綠茶以外，更有包裝得像威士忌的冷泡茶，甚至特色的Tea Cocktails，以及Tea Beers。
一組四款不同口味的Beer Flight！茶走飲得多，茶酒真係首次見識。鳳凰單欉淡啤、玫瑰紅茶小麥啤、茉莉香片小麥啤、正山普洱英式啤，一次過滿足四個願望。大家拿起點心紙劃劃下，湊成滿桌子豐盛的美食。先來煎釀嘉咸街豆腐，出品沒有很油膩，我覺得重點是旁邊的芝麻醬汁。漲卜卜的咸水角，金黃吸引，有人說做得幾似有肉的出品，但我嫌佢粉太厚，普普通通。香煎芋絲餅我覺得幾好，唔油，也有芋頭香，始終我都係比較喜歡香口嘢。接著是幾款餃類，如台式酸菜燥肉煎餃子、高麗菜餃、鮮百合粉果等，餡料都是足的，當然相比之下，我必定投煎餃一票。錦鹵雲吞，剛上桌時已經唔太脆，但吃此味最重要還是那兜甜酸醬。再來的龍華寺素卷，外皮是有點韌；豉油皇素肉炒腸粉，贏在有跟上辣醬，成件事即刻唔同晒。懷舊奶皇煎堆仔，做到香脆甜美，得到大家的認同。
然而，數到全場的MVP，必定就是馬拉糕了，甜度剛好，熱辣辣又夠軟熟，贏過唔少五星級酒店的出品。常覺得喝茶的地方，本就應該放鬆心情，慢慢地品嚐。可惜呢度有限時還枱，而且整個用餐氛圍，都令人感到十分趕急，完全不是那回事。
餐廳資料:
樂茶軒
中環荷李活道10號大館01座警察總部大樓地下G07號舖
22765777
沒有留言:
張貼留言