蘇山雞飯 - 人氣不斷的星馬餐室

食物：$$$$
環境：$$$$
服務：$$$$

大除夕，同老媽子出長沙灣午餐兼辦年貨，作最後衝刺。

早前已想帶佢去食蘇山雞飯，可是那次遇上人滿之患，是日早些來到，終於不用排隊。

呢度蘇山雞飯，筆者由長沙灣剛剛開店已經開始食，後來見到要埋隔離舖位，再連開分店，最近甚至得到大紅人Brian的加持，相信下次來食，要有心理準備排餐懵。

老媽子目光早已注視在海南雞飯之上，而我就一心來吃仁當巨霸牛肋骨，大家可以些牙食。

大大枝牛筋骨上桌，賣相無疑是吸引，岩晒打卡。店員會幫忙將牛筋肉剪開一粒粒，方便進食。而在剪既過程之中，已可看得出肉質是可軟腍及彈牙，未食都流口水。

牛筋肉的確是鬆化又彈口，連肥脂的就更加無敵。這份牛筋骨，可配白飯或者烤餅，今次我揀左後者。呢個肉，沾上辣度不太強勁，但夠晒香的汁醬去伴烤包，非常精彩。就連平時不能吃辣的老媽子，也食到唔停口。

店家叫得做蘇山雞飯，其海南雞飯總唔會差得去邊。皮爽肉嫩是必然，沾上三色醬，素來愛吃海南雞的老媽子，亦有正面評價。

海南雞飯呢個午餐，還會包餐湯及飲品，幾划算的。不要以為街坊價錢，餐湯是例水，呢個冬瓜粒湯，甚至是有雞什在內，絕不欺場。

阿媽唔飲嘢，咁杯餐飲就益我。

簡簡單單要杯熱拉茶，好多泡，偏甜，很星馬的口味。

餐廳資料:
蘇山雞飯
長沙灣元州街411號義華大廈地舖
56488622