食物：$$$$
環境：$$$$
服務：$$$$
時不時都會想食下壽司，但無可能話想飛就飛，香港大部份Omakase的收費亦不菲，唯有等一年一次的日本行才吃過夠本。
然而，最近太古開了一間店，親民價錢便可嚐到Omakase，肯定要去會一會佢。
價錢有幾親民? 最便宜的為$288，而我是夜品嚐的，也只是$388，已包括沙律、味噌湯、茶碗蒸、九貫壽司、一口丼，以及甜點。
先以清爽帶酸的沙律打開胃口，茶碗蒸夠熱夠滑，內裡亦有蝦肉等海鮮，誠意十足。接著就是一系列的壽司了。如果你坐壽司吧枱，壽司就是逐件上，可惜我們遲了留枱，但也無損我們的興致。壽司有間八、赤海老、北海道帆立貝，松葉蟹肉等等，一次過上都幾有睇頭。白身魚之中，個人最喜歡雕魚，味道清爽鮮甜，當然間八都唔輸蝕，一樣有質素。吞拿魚就有赤身，以及中拖，中意入口溶化既我，毫無疑問會投中拖一票。另一款非常精彩的，就是海鰻壽司，做法是將海鰻包裹著舍利，香口又油份高，吃得我津津有味。講到香口，同埋油份，火炙比目魚裙邊一口丼都係佼佼者，雖則十貫壽司加起真的有很多米飯，但我仍可全部吃光，可見水準係絕對對得住個價錢有餘。跟餐還有甜點，但由於壽司質素太有驚喜，我哋都追加了其他食物。燒牛舌只用最好的牛舌芯，口感自然爽彈，伴以海鹽、酸汁等，各有風味。再要入份串燒盛，有雞脆骨串、雞翼、雞皮紫蘇蝦卷、雞大腿肉及車海老，共五串。全部都交到功課，個人最欣賞雞皮紫蘇蝦卷，外脆餡料彈牙，有層次。招牌的松葉蟹肉梅子素麵肯定不能錯過，用筷子卷起素麵橫放在玻璃杯中，頂頭放上大堆的松葉蟹肉，非常精緻，打卡一流。松葉蟹肉跟剛才壽司的一樣鮮美，素麵伴以醒胃的梅子湯，清爽怡人，我這冷麵控是無法抗拒的。
最後就是Omakase Set的甜點，煙韌既丸子伴以紅豆蓉，最穩陣的組合。估唔到如此親民的價錢，換來咁高質素既出品，難怪開業無耐已坐無虛席，看來是深得太古街坊的喜愛。
餐廳資料:
海遊膳
太古太豐路3號星輝台金星閣地下G1018號舖
23430328
沒有留言:
張貼留言