海外篇：平四郎 - 我也會吃迥轉壽司的

食物：$$$1/2
環境：$$$$
服務：$$$1/2

又睇表演又Window Shopping，唔經唔覺原來已過晒午飯時間，好多的餐廳已落場，唯有見乜食乜。

飢腸轆轆既我們，見呢間平四郎迥轉壽司仍在營業，即刻狗衝入去，猶幸唔使等位，可以馬上開餐。

除左拎迥轉帶上的壽司外，當然也可以按Ipad 點餐，先來碗味噌湯暖一暖胃，勝在有魚鮫在內，在日本食油甘魚鮫，都好穩陣。

另外點了份九貫的壽司拼盤，質素肯定唔可以同Omakase既相比。然而，觀乎每件出品，總算新鮮，舍利已混入了日式芥末，而像我吃到的玉子夠鬆軟，三文魚子脆卜卜，老媽子都話海膽交到功課。

作為冷麵控，相比起壽司，我其實對冷喬麥麵更有興趣，真的不用任何配料，只沾上冷麵汁，已清爽怡人，毫無難度可以獨吞一客。

日本都幾流行呢隻密瓜汽水，一試無妨。

餐廳資料:
平四郎
福岡県福岡市博多区住吉1-2-1 キャナルシティ博多 4F