食物：$$$1/2
環境：$$$1/2
服務：$$$1/2
移英的好友終於一家人回港渡假，幾歹把握機會見面，食多幾餐。
梗係食港式嘢啦，另一位朋友建議來歡樂大排檔，呢間連我都未去過，真有興趣一嚐。
地方幾大，佔兩層，裝潢有唔少打卡位，蠻有特色的。手拍黃瓜拼海蜇是為小朋友而點的，兩者不同程度的爽脆口感，加上醒胃的味道，作為冷盤打開胃口，合適不過。
係咪我哋已經好老呢? 總有點無雞不成宴的想法，所以要左半隻玫瑰豉油雞。當然不會是新鮮雞，卻至少做到皮爽肉嫩，又夠入味，小朋友用手拿起雞髀大啖齒，吃得津津有味。
一向缺乏健康概念既我，揀菜就揀左窩貼小棠菜 (扮有食菜架啦，哈哈！)。酥脆外皮緊貼著墨魚膠，及混合來的些少小棠菜粒，香口亦唔太油，帶點點彈牙口感，是吃大排檔必點的菜式之一啦~剛才的窩貼小棠菜當然不夠健康，因此再來份野菌紅燒豆腐，入味，好送飯。
老友話返左香港幾日都未有米飯到肚，即來份鴛鴦炒飯俾佢。一邊是白汁海鮮，另一邊係茄汁雞肉，配上蛋炒飯，兒時好中意食，但近年好少機會碰到 (間中係茶記會見到有既，只係多數都無揀) 。呢度都算做得幾好，蝦夠大蝦爽口，紅汁最好下飯，主角吃得一粒米不剩。沒叫甜品，因為打算食糖水下場，長沙灣深水埗一帶，大把糖水舖選擇。
鴛鴦炒飯>>記得我第一次食，係喺舊金山嘅酒樓，當時覺得好新奇呢！ :)
回覆刪除