綠庭園 - 今秋月餅好選擇

食物：$$$$
環境：N/A
服務：$$$$

如果大家正考慮買月餅，又唔想來來去去都係那些大牌子，在尋找些較有特色的出品，我今年有好介紹~

是一間網店，叫綠庭園 Jardin Europeen，正確點說係一家小型供應商，供緊貨比好多星級酒店/ 蛋糕店。

主理人黎嘉明大師在甜點界打滾多年，曾在半島淺水灣酒店、美國會、澳門JW 及澳門Ritz Carlton等五星級酒店擔任甜品主廚，實力無庸置疑。

今年佢出左四款口味既月餅，包括流心奶皇、柚子軟心、土鳳梨軟心及斑蘭軟心，分別有六件裝，以及四件禮盒裝。

四件禮盒裝有齊四種口味，同埋兩盒Pecan，岩晒貪心既我，可以一次過試勻不同口味。

最大路的流心奶皇，外殼不會太硬，切開亦唔怕甩皮甩骨，香甜而做到流心效果，比起啲大品牌更勝一籌。相比之下，柚子軟心就係走清新路線，一次過吞下整隻也沒什麼負擔。

土鳳梨口味是坊間較為罕見的款式，咬落有幾分像吃鳳梨酥，但層次更分明，而且同樣做到流心效果，好有特色好吸引。

斑蘭口味也很獨特，吃起來除了啖啖斑蘭香外，更多一份清香味，原來是加入了椰青水，成件事好有趣。

各個款式，都做到流心效果，全無失手，正！

有興趣的話，可上佢IG，經 Whatsapp訂購。禮盒裝的早鳥價錢為$268，六件裝的流心奶皇$238，其他口味$258。

店舖資料:
綠庭園
觀塘興業街16-18號美興工業大廈B座3樓B4室
51771288