六福菜館 - 高質海鮮宴

食物：$$$$
環境：$$$$
服務：$$$$

又好一陣子沒有入西貢食海鮮，難得今個週末有半圍人得閒，就來個六福海鮮局。

連續多年的米芝蓮一星店，實力自然有番咁上下，每次就都唔會失望。

感謝搞手訂了枱，寫好菜單，大家依時出席就是。幾款招牌菜式做膽，大家有咩想食既再開聲,自會安排妥當。

先來的奇脆格鹽豆腐，是六福的名物。外皮薄又脆，豆腐嫩滑，又夠惹味，不過吃時要小心燙咀巴。

在這類店子喝魚湯，肯定唔會出事。大量的什魚，簡簡單單加些番茄，已經清甜無比，有時做事真不需太複雜。

米湯慢煮元貝，我是首次品嚐。粥水般的米湯跟帶子又幾夾，少許金華火腿作點綴及釣味，已經很好，當然元貝既火侯要拿捏得精準，才有這樣的水準。

野生海斑龍吐珠，說白了就是兩食，分別是炒球及鹽酥骨腩的做法。魚肉夠厚身，炒球口感自會好。鹽酥做法，令魚骨都可以食埋，喜歡香口的朋友肯定愛不釋手。

六福的另一名物，椒鹽鮑魚，是每次去六福都必會吃的。大連鮑魚口感爽彈沒半點韌，加上惹味的椒鹽做法，從來不會失手。

體型龐大的桶蠔，天婦羅做法，炸至酥脆而內嫩，以生菜包裹著，沾些沙律醬，滿足！吃此道，還是用手拿起才夠滋味。

估唔到呢度既脆皮風沙雞咁出色，材料靚當然佔很大的因素，用上新鮮雞，吃起來是皮脆肉嫩又惹味，即使此時已很飽，都要連吃幾件才收手。

來個蒜蓉粉絲蒸茄子，以及醋炒芥蘭來平衡下，是非常恰當的安排。

經理送上椰青大菜糕，十分之清甜，連結尾的甜品都咁有水準，大家自然吃得笑逐顏開。

 

餐廳資料:
六福菜館
西貢市場街49號地舖
27929966