Fabrice 嚐味: TMK Rap & Rolls - 很有特色的鬼佬居酒屋

2025年2月7日星期五

說過很多遍，灣仔日月星街一帶，於我而言，是世外桃源。

某天跟朋友在月街飲完咖啡，順道閒逛一下，即被這所建築物吸引住，當時其實完全不知道餐廳是吃什麼菜式的。

到有一日，要我揀地方跟大師午飯，就毫不猶豫建議前來。

餐廳面積不大，氣氛好鬼佬，似飲嘢既地方居多，瞄下個餐牌，我會形容是鬼佬居酒屋。

Brunch Menu只一個，非常簡單，主菜飲品有得揀，頭盤甜品係指定款式。

頭盤的沙律及薯條是for sharing 的份量，沙律菜新鮮，附適量的醋，醒胃。薯條係幼身嗰種，即場炸起，伴以類似辣味的Mayo，依然邪惡。

每人兩件的加州卷，味道正常，但大家掛住傾計，之後才發現 Brunch好像無包呢款嘢食，係咪俾錯左呢?!

炸雞都是即叫即製，熱辣辣奉上，唔會炸到乾柴柴，自行唧點檸檬汁，沾上辣味乳酪，可以一試。

既然我歸類佢為居酒屋，自然有些日式小食，大板燒是其一，呢款食物技術要求不高，甜甜的再配上沙律醬，總不會難吃。

甜品是焦糖雪糕伴以蕨餅，這兩天剛好回暖，有雪糕正合我意。

食到近下午三點，食客不減，反而愈來愈旺場，鬼佬居多，飲酒為主，這個地方，有意思！

2025年2月7日 星期五