鴻星海鮮酒家 - 過節

食物：$$$
環境：$$$1/2
服務：$$$1/2

每逢過節，都會同埋屋企人圍埋食餐飯，吃什麼是其次，齊齊整整見下面才是重點。

忘了邊年開始，鴻星海鮮酒家成為了首選，雖然呢個品牌搞搞下只剩下旺角Moko呢間。

今年沒挑套餐，老媽子話試下散了。一隻片皮鴨，店員仍然會捧隻鴨出來堂片，連肉帶皮的成品，鴨肉未算嫩滑，但以麼麼皮包裹著，配上青瓜、京蔥及鴨醬等，總不會難食。

過節要有雞，今時今日不能再要求雞有雞味，肉質不嚡口已經收貨。個人會揀吃炸子雞，不過長輩多半持相反意見。

咕嚕肉的顏色沒預期的鮮艷吸引，最低限度咬落鬆化，菠蘿及青椒等大家反而爭著吃。

豆腐煲以及節瓜煲，勝在溫度足，正所謂一熱遮三醜。

素來重口味既筆者，啫啫逍菜總比就咁炒碟時蔬來得吸引，可以多吃幾條。

單尾有炒飯有伊麵，長輩的想法，這樣的餐單才夠圓滿。

臨尾都吃番個壽桃包，東海的巨型壽桃包已聞名多年(東海鴻星係under同一飲食集團喇)，大概也是信心保証。

下次過節食飯，唔知仲有無鴻星呢?

餐廳資料:
鴻星海鮮酒家
旺角太子道西193號MOKO新世紀廣場6樓601A號舖
26280890