食物：$$$$
環境：$$$$
服務：$$$$
文華東方酒店Clipper Lounge的自助餐，一向質素高，近日經翻新後重新開業，以全新面貌示人。
傳奇回歸，作為老饕既我自然急不及待要去一試。提早來個總結，確是令人有煥然一新的感覺。
嘢食太多，我唔打算逐一描述，重點介紹些招牌/ 我認為值得推介的項目便是。
凍海鮮是香港人最關注的項目之一，波士頓龍蝦與本地鮑魚肉爽而不韌，還有法國藍青口、紐西蘭綠唇青口、凍蝦及翡翠螺等都好新鮮。餐廳重開的首個月，還會有法國生蠔供應，大家應該會好開心。另一款經典美食，莫過於廣受好評的海南雞飯，肉嫩而油飯濕潤甘香，席上有朋友更加要添食。
還記得以前每次到來，定必要吃其燒牛肉，嫩滑又有肉香，配埋家陣愈來愈少遇到的Yorkshire Pudding，是我的至愛。幸好佢可以保持呢個經典，同埋最緊要係保持水準。熱食選擇不弱，吃些蜆肉、咖喱、帶子炒粉絲及虎蝦後，查實已經飽了大半。忽然想來些刺身間一間埸，或者是天氣太熱的緣故吧！拿一碗喇沙回來跟大家分甘同味，淺嚐幾口後，我的目標已投放在各式的甜品之上。甜品款式繁多，尤其是我喜歡的蛋糕，既有招牌的文華芝士蛋糕，亦有重口味的特濃朱古力蛋糕，仲有大家爭相搶吃的提拉米蘇，同埋布朗尼及朱古力紙杯蛋糕等等，實在令過氣甜魔的我愛不釋手。雪糕也是不可錯失的項目，特別推薦英式奶茶雪糕，記緊配埋雪糕筒來吃，擔保你一球係唔會夠喉的。一口松露朱古力，一粒香甜馬卡龍，配上我手中的咖啡，非常的圓滿！
沒有留言:
張貼留言